COVID-19. Тақрибан 15,5 миллион кӯдак дар ШМА аз санҷиши мусбати коронавирус гузаштанд
ДУШАНБЕ, 01.03.2023 /АМИТ «Ховар»/. Тибқи гузориши охирини академияи педиатрияи Америка (AПА) ва Ассотсиатсияи беморхонаҳои кӯдакона, дар Штатҳои Муттаҳидаи Америка аз оғози хуруҷи эпидемия дар маҷмуъ тақрибан 15,5 миллион кӯдак барои навъи нави коронавирус (COVID-19) санҷиши мусбат супориданд. Дар ин хусус АМИТ«Ховар» бо истинод ба «Синхуа» иттилоъ додааст.
Тибқи гузориш, дар байни онҳо дар 4 ҳафтаи охир беш аз 121 ҳазор ҳолат ва дар як ҳафтаи охир, ки 23 феврал ба анҷом расид, тақрибан 28 ҳазор ҳолат ба қайд гирифта шуд.
Давоми 5 моҳи охир шумораи ҳодисаҳои дар байни кӯдакон дар ШМА ба қайд гирифта ба ҳисоби миёна тақрибан 32 000 дар як ҳафта аст, ки нисбатан муътадил аст. Аммо, тибқи гузориш, ин рақам метавонад камтар арзёбӣ гардад.
Зарурати фаврии ҷамъоварии маълумоти бештар дар гурӯҳи синну соли мувофиқ барои арзёбии шиддати бемории марбут ба штаммҳои нави вирус ва инчунин оқибатҳои эҳтимолии дарозмуддат вуҷуд дорад.
Тавре ки дар Академияи педиатрияи Америка изҳор доштанд, бояд эътироф кард, ки пандемия ба саломатии кӯдакон таъсири бевосита мерасонад, аммо муҳимтар аз ҳама, таъсири дарозмуддати он ба некӯаҳволии ҷисмонӣ, рӯҳӣ ва иҷтимоии ин насли кӯдакон ва ҷавонон бояд муайян ва бартараф карда шавад.
Азиза ДАДАБОЕВА,
АМИТ «Ховар»
АКС аз манбаъҳои боз
МегаФон Тоҷикистон: «Интернет барои хона» ҳудудро ду баробар васеъ намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар ноҳияи Рашт соҳили дарёи Сурхобро мустаҳкам карданд
Дар шаҳри Душанбе ҳавои камабри бебориш дар назар аст
Илму маориф ва рушди сармояи инсонӣ — дар меҳвари Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳаво тағйирёбандаи бебориш мешавад
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
