Дар Донишгоҳи давлатии Хуҷанд Маркази илмии глятсиология ифтитоҳ гардид
ДУШАНБЕ, 17.03.2023, /АМИТ «Ховар»/. 16 март дар факултети геоэкология ва туризми Донишгоҳи давлатии Хуҷанд ба номи академик Бобоҷон Ғафуров Маркази илмии глятсиология (пиряхшиносӣ) ифтитоҳ гардид. Дар ин хусус ба АМИТ «Ховар» дар донишгоҳи мазкур хабар доданд.
Маркази илмии «Глятсиология» фаъолияташро дар асоси низомнома ба роҳ монда, бо Маркази омӯзиши пиряхҳои Академияи миллии илмҳои Тоҷикистон бо мақсади омода намудани мутахассисони баландпоя ва ҷиҳати пешгирии обшавии пиряхҳо, роҳу усулҳои ҳифзи пиряхҳо тадбирҳои муҳим ба роҳ мемонад. Марказ бо таҷҳизоти муосир муҷаҳҳаз буда, донишҷӯён дар раванди корҳои илмӣ-омӯзишӣ аз он фаровон истифода бурда метавонанд.
Дар ҷамъомад иброз гардид, ки ифтитоҳи маркази илмии «Глятсиология» ҷиҳати татбиқи ҳадафҳои созанда ва ҷаҳонии Пешвои миллат дар самти омода намудани мутахассисони соҳаи обу иқлимшиносӣ ва пиряхшиносӣ муҳим мебошад. Мояи ифтихор ва сарфарозист, ки 14 декабри соли 2022 Маҷмаи Умумии Созмони Милали Муттаҳид ташаббуси панҷуми Президенти Ҷумҳурии Тоҷикистон муҳтарам Эмомалӣ Раҳмонро дар соҳаи об бо қабули қатъномаи махсус якдилона тасдиқ намуд. Мувофиқи қатънома, соли 2025 Соли байналмилалии ҳифзи пиряхҳо эълон карда шуда, 21 март Рӯзи ҷаҳонии пиряхҳо эътироф гардид.
Роҳбарияти донишгоҳ масъулинро вазифадор намуданд, ки самаранокии фаъолиятро таъмин намуда, барои дар амал татбиқ намудани донишҳои назариявии донишҷӯён тадбирҳои зарурӣ андешанд.
АКС: Донишгоҳи давлатии Хуҷанд ба номи академик Бобоҷон Ғафуров
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
