Дар Эстония интихоботи парлумонӣ баргузор шуд

ДУШАНБЕ, 07.03.2023 /АМИТ «Ховар»/. Дар интихоботи парлумонии Эстония (Рийгикогу) Ҳизби ҳокими ислоҳоти марказгароии рости Сарвазир Кай Каллас пирӯз шуд. Дар интихобот зиёда аз 63% аҳолӣ иштирок доштанд. Дар ин хусус АМИТ«Ховар» бо истинод ба АЗЕРТАҶ хабар медиҳад.

Пас аз ҳисобкунии 100 дарсади овозҳо Ҳизби ислоҳот 31,2 дарсад раъй гирифта, аз Ҳизби муҳофизакори мардумии Эстония, ки бо 16,1 дарсади овоз  дар ҷойи дуюм қарор гирифт, тақрибан ду баробар пеш гузашт. Баъд аз он Ҳизби марказӣ (15,3%), либералии 200 (13,3%), Ҳизби сотсиал-демократӣ (9,3%) ва муҳофизакори миллӣ Isamaa (8,2%) мебошанд. Ҳизбҳои боқимонда натавонистанд ҳадди панҷфоизаро убур кунанд.

Дар интихоботи парлумонии Эстония иштироки фаъоли интихобкунандагон ба қайд гирифта шуда,  тақрибан 615 ҳазор нафар овоз доданд.

Азиза ДАДАБОЕВА,
АМИТ «Ховар»     

АКС аз манбаъҳои боз