Дар Хатлон занони фаъоли соҳаи маориф ҳавасманд гардонида шуданд
ХАТЛОН, 06.03.2023. /АМИТ «Ховар»/. Барои фаъолзанони соҳаи маориф барномаи муштараки фарҳангии Раёсати маорифи вилояти Хатлон ва Иттифоқҳои касабаи кормандони соҳаи маориф ва илми вилояти Хатлон баргузор карда шуд, хабар медиҳад мухбири минтақавии АМИТ «Ховар» Сулаймон Холзода.
Дар барнома сардори Раёсати маорифи вилояти Хатлон Ғазалшоҳ Сафарзода дар бораи мақоми зан дар ҷомеа, дастгирии занон дар соҳаи маориф ва таваҷҷуҳу таъкидҳои Пешвои миллат оид ба муҳайё намудани шароиту имконияти мувофиқ барои кору таҳсили занону ҷавондухтарон изҳори назар кард. Мавсуф илова намуд, ки шумораи зиёди кормандони соҳаи маорифро занону духтарон ташкил дода, дар таълиму тарбияи насли наврас нақши муассир доранд.
Раиси Иттифоқҳои касабаи кормандони соҳаи маориф ва илми вилояти Хатлон Муҳиддин Ширинзода дар хусуси ҳимояи ҳуқуқи кормандон, бахусус занон аз тарафи иттифоқҳои касаба сухан гуфт.
Дар ин раванд чанд зани муваффақ, ғолибони озмунҳои ҷумҳуриявӣ ва омӯзгорони пешқадам дар хусуси дастгирию ҳавасмандгардониҳо нисбат ба занон табодули афкор намуданд.
Қисмати дигари ҳамоишро қадрдонии занони пешсафи соҳа, ғолибони озмунҳо ва занони собиқадору намунавии соҳаи маориф ташкил дод. Ҳамзамон ғолибони мусобиқаи волейбол байни дастаҳои духтарони шаҳру ноҳияҳо бо мукофоти пулӣ ва Ифтихорномаи муштарак ҳавасманд карда шуданд.
АКС: Раёсати маорифи вилояти Хатлон
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
