Дар Ҷопон барои одамони биноияшон суст системаи навигатсионӣ таҳия гардид
ДУШАНБЕ, 11.03.2023 /АМИТ «Ховар»/. Ширкати ҷопонии Ashirase системаи «навигатсияи гардишӣ»-ро барои афроди биноияшон суст ихтироъ кардааст, иттилоъ медиҳад АБИ «Казинформ» бо истинод ба New York Post.
Дастгоҳ ба пойафзол пӯшонида шуда, тавассути замимаи смартфон ба пои истифодабаранда барои ба кадом самт ҳаракат намудан ларзиш фиристода мешавад.
«Ashi» дар тарҷума аз забони ҷопонӣ маънои «кафи пой» ва «shirase» маънои огоҳ карданро дорад.
Як қисми дастгоҳ дар дохили пойафзол ҷойгир буда, дигараш ба қисми болоӣ часпонида шудааст ва дорои механизмҳои идоракунии барномаи навигатсионӣ (роҳбалад) ва батарея мебошад. Дастгоҳ маълумотро аз GPS истифода мебарад — ҳангоми роҳ рафтан ба истифодабаранда аломатҳои ларзиш фиристода мешаванд, ки кай ва дар куҷо бояд гардиш кунад ё истад.
«Мо умедворем, ки афроди дорои биноии суст метавонанд мустақилона роҳ раванд ва ҷаҳонро ба таври худ кашф намоянд», — омадааст дар изҳороти ширкат.
Ширкат хотирнишон мекунад, ки дастгоҳ барои афроди биноишашон суст, на барои нобиноён пешбинӣ шудааст. Интизор меравад, ки фурӯши ин дастгоҳ соли оянда оғоз карда шавад.
Азиза ДАДАБОЕВА,
АМИТ «Ховар»
АКС аз манбаъҳои боз
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
