Дар Шаҳринав вобаста ба пешгирии шомилшавии ҷавонон ба ҳизбу ҳаракатҳои экстремистию террористӣ вохӯрӣ доир гардид
ДУШАНБЕ, 05.03.2023 /АМИТ «Ховар»/. 1-2 март вобаста ба пешгирии шомилшавии ҷавонон ба ҳизбу ҳаракатҳои экстремистию террористӣ ва мубориза бар зидди ин зуҳуроти номатлуб дар ноҳияи Шаҳринав бо фаъолон ва сокинони ҷамоатҳои шаҳрак ва деҳот вохӯриҳо баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав хабар медиҳад.
Дар вохӯриҳо гуфта шуд, ки мубориза бар зидди ин зуҳуроти номатлуби замони муосир-терроризму экстремизм кори дастҷамъӣ буда, баҳри ҳифзи манфиатҳои милливу давлатӣ, сохти конститутсионӣ ва истиқлоли мамлакат вазифаи аввалиндараҷаи ҳамаи ниҳодҳои давлативу ҷамъиятӣ ва ҳар сокини ҷумҳурӣ ба ҳисоб меравад. Имрӯз ҷомеаро зарур аст, ки ақлу заковат, донишу таҷрибаи гирифтаи ҳаётии худро бар он равона созанд, ки пайомадҳои шомилшавии ҷавонон ба ҳизбу ҳаракатҳои ғайриқонунӣ пешгирӣ ва аз байн бурда шавад.
Таъкид гардид, ки «мо бояд бар зидди шомилшавии ҷавонон ба гурӯҳҳову ҳаракатҳои ифротии террористӣ, иштироки онҳо дар ҷангу муноқишаҳои давлатҳои хориҷӣ, пешгирӣ намудани наврасон аз таҳсилоти ғайрирасмии динӣ, ки яке аз сарчашмаҳои асосии шомилшавии шаҳрвандон ба ташкилоти террористию экстремистӣ мебошад, мубориза барем».
Инчунин дар мулоқотҳо ҷиҳати вусъати раванди корҳои ободонию созандагӣ, тозакорӣ, ҳашарҳои дастҷамъона дар деҳу маҳаллаҳо, даъвати ҷавонон ба сафи Қувваҳои мусаллаҳи ҷумҳурӣ, суръатбахшии иҷрои дурнамои кишти пиёз, картошка ва пилла ба масъулин дастуру супоришҳо дода шуд.
АКС: Мақомоти иҷроияи ҳокимияти давлатии ноҳияи Шаҳринав
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
