Донишгоҳи миллии Тоҷикистон аз аккредитатсияи байналмилалӣ мегузарад
ДУШАНБЕ, 30.03.2023. /АМИТ «Ховар»/. Донишгоҳи миллии Тоҷикистон тасмим гирифтааст, ки якчанд ихтисосро аз аккредитатсияи байналмилалӣ гузаронад. Дар ин хусус ба АМИТ «Ховар» дар донишгоҳи мазкур иттилоъ доданд.
Гуфта шуд, ки дар айни замон аз ҷониби комиссияи экспертии Агентии мустақили аккредитатсия ва рейтинг (НААР) дар Донишгоҳи миллии Тоҷикистон барои гузаштан аз аккредитатсияи байналмилалӣ кор оғоз гардидааст.
Зимни он ихтисосҳои кори тиббӣ-ташхисӣ ва кори табобатии факултети тиббӣ, ихтисоси дорусозии факултети фарматсевтӣ, ихтисоси муносибатҳои байналхалқии факултети муносибатҳои байналхалқӣ, ихтисоси ҳуқуқшиносии факултети ҳуқуқшиносӣ, ихтисоси молия ва қарзи факултети молиявию иқтисодӣ, ихтисоси механикаи факултети механикаю математика, ихтисоси химияи факултети химия, ихтисоси физикаи факултети физика ва ихтисоси биологияи факултети биология аз аккредитатсияи байналмилалӣ мегузаранд.
Кори комиссияи экспертӣ аз вохӯрӣ бо ректори донишгоҳ, суҳбатҳо бо муовинони ректор, сардорони сохторҳои гуногуни донишгоҳ ва садорати факултетҳои марбутаи донишгоҳ оғоз ёфт, ки дар он коршиносони хориҷӣ низ тариқи маҷозӣ иштирок намуданд.
Таъкид менамоем, ки Агентии мустақили аккредитатсия ва рейтинг яке аз ташкилоти байналмилалӣ дар самти таъмини сифати таҳсилот бо гузаронидани баҳодиҳии мустақили берунаи муассисаҳои таълимӣ мебошад. Агентии мазкур шомили шабакаҳои гуногуни амрикоиву аврупоӣ ва осиёгиву байналмилалӣ буда, дар асоси стандарти таъмини сифати аврупоӣ (ESG) ва Федератсияи умумиҷаҳонии таҳсилоти тиббӣ баҳогузорӣ намуда, ҳуқуқи додани сертификати мутобиқатро доро мебошад.
Мақсади асосии Агентии мустақили аккредитатсия ва рейтинг бақайдгирии муассисаҳои таҳсилоти олӣ ва миёнаи касбӣ, муайян намудани сифати таҳсил ва ба стандартҳои ҷаҳонӣ ҷавобгӯ намудани он мебошад. Дар сурати дар қайди ин агентӣ будан дипломи муассисаҳои таҳсилоти олӣ дар қаламрави дигар давлатҳо эътироф карда мешавад.
Агентии мустақили аккредитатсия ва рейтинг яке аз аввалин агентиҳои аккредитатсионӣ дар қаламрави Иттиҳоди Давлатҳои Мустақил буда, аз ҷониби созмонҳои байналмилалӣ эътироф ва мақоми баландро соҳиб гардидааст.
Ёдрас мешавем, ки қаблан Донишгоҳи миллии Тоҷикистон дар байни муассисаҳои таҳсилоти олии касбии Тоҷикистон яке аз аввалинҳо шуда, аз аккредитатсияи дастурии аврупоӣ пурра гузашт.
АКС: Донишгоҳи миллии Тоҷикистон
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
