ФУТБОЛ. Дастаҳои «Хуҷанд» ва «Ҳосилот» ба финали Ҷоми Лигаи футболи Тоҷикистон-2023 роҳ ёфтанд

Март 13, 2023 17:13

ДУШАНБЕ, 13.03.2023. /АМИТ «Ховар»/. 12 март дар варзишгоҳҳои мамлакат бозиҳои гурӯҳии Ҷоми Лигаи футболи Тоҷикистон-2023  ба анҷом расиданд. Дар ин хусус ба шореҳи  варзиши АМИТ «Ховар» дар Федератсияи футболи Тоҷикистон хабар доданд. 

Тибқи низомномаи мусобиқа, ду даста аз се зинаи аввали гурӯҳҳо бо нишондиҳандаи беҳтар дар финал бозӣ мекунанд. Дастаи сеюми зинаи аввал бо як даста аз се зинаҳои дуюм бо нишондиҳандаи беҳтар барои ишғоли зинаи сеюми мусобиқа вомехӯрад.

Чун дар гурӯҳи «А»  4 даста ҳасту дар гурӯҳҳои «Б»  ва  «В» сетоӣ, тибқи муқаррарот, барои тақсими одилонаи гурӯҳҳо дар гурӯҳи «А»  зимни ҳисоб холҳои касбкарда ба муқобили дастаи охирини гурӯҳ ба инобат гирифта намешавад.

Ҳамин тариқ,  дастаи футболи  «Хуҷанд»-и шаҳри Хуҷанд  бо 6 хол (мусовӣ ба муқобили дастаи  «Кӯктош»-и ноҳияи Рӯдакӣ  ба ҳисоб гирифта намешавад) ва  дастаи  футболи  «Ҳосилот»-и ноҳияи Фархор бо 6 хол дар финал рақобат мекунанд. Ғолиби гурӯҳи «В»  дастаи футболи «Регар-ТадАЗ»-и шаҳри Турсунзода  бо беҳтарин даста дар байни зинаҳои дуюм-  дастаҳои  «Эсхата»-и шаҳри Хуҷанд   ва   «Файзканд»-и ноҳияи Восеъ, ки   бо 4 хол дар зинаи дуюм аст, барои ишғоли зинаи сеюм  мубориза мебаранд.

Ёдовар мешавем, ки  бозиҳои ниҳоии мусобиқаи Ҷоми ЛФТ-2023 15 март соати 10:00  (бозӣ барои ҷои сеюм) ва 14:00 (финал) баргузор мегарданд.

АКС: Федератсияи футболи Тоҷикистон

Март 13, 2023 17:13

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод