ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
ДУШАНБЕ, 21.03.2023 /АМИТ «Ховар»/. Имрӯз рӯзи аввалинест, ки Наврӯз дар сарзамини худ- Тоҷикистон бо шукуҳу таҷаллии фархунда ҳукмфармоӣ дорад. Тибқи ҳисобҳои астрономӣ, дар Тоҷикистон Наврӯзи имсола имрӯз, 21 март, соати 02:30-и вақти маҳаллӣ фаро расид. Замин ҳангоми ҳаракат дар атрофи Офтоб аз байни нуқтаи эътидоли баҳорӣ гузашт, ки онро баробаршавии шабу рӯз меноманд. Дар ин хусус хабарнигори АМИТ «Ховар» хабар медиҳад.
Тибқи маълумоти расмӣ, Наврӯз ҳоло дар 13 кишвари ҷаҳон- Афғонистон, Эрон, Озарбойҷон, Қазоқистон, Туркманистон, Қирғизистон, Узбекистон, Албания, Косово, Курдистон, Муғулистон, Гурҷистон ва Ироқ ҳамчун ҷашни расмии миллӣ таҷлил мешавад.
Дар Тоҷикистон Наврӯз расман чаҳор рӯз — 21, 22, 23 ва 24 март таҷлил мегардад.
Наврӯз — ин ҷашни соли нав аз рӯи тақвими шамсии астрономӣ барои мардуми Шарқ мебошад. Ин ҷашн анъанаи миллӣ буда, ягон вобастагӣ ба дин надорад. Наврӯз яке аз ҷашнҳои қадимтарин дар таърихи башарият мебошад, зеро онро аллакай то асри VII пеш аз мелод ҷашн мегирифтанд.
Бояд гуфт, ки тибқи сарчашмаҳои таърихӣ дар замонҳои пеш Наврӯзро 13 рӯз ҷашн мегирифтаанд. Дар анҷоми таҷлил мардум ба саҳро баромада, аз соли ҷадид истиқбол мекарданд. Наврӯз зиндатарин ҷашн дар рӯи Замин буда, воқеан ҳам тавъам будани соли нав ба он ва сабзиши тозаи ҷаҳон башорати он аст. Он ҳар сол як маротиба чун ҷашни бедориву эҳёи табиат фаро расида, бо ҳар равияи ғоявию фарҳангие, ки дар тӯли таърих рӯ ба рӯ шудааст, созгор омада ва боз ҳам зеботару ғанитар гаштааст.
Ба андешаи муаррихон, дар аҳди Сосониён Наврӯз 30 рӯз ҷашн гирифта мешуд. Инчунин зикр шудааст, ки Наврӯз дар Хуҷанду Хатлон 7 рӯз, дар Самарқанду Бунҷикат 15 рӯз таҷлил карда мешуд.
Хушбахтона, пас аз соҳибистиқлолӣ дар Тоҷикистон Наврӯз бо тамоми шукуҳу ҳашамат ҷашн гирифта мешавад. Мояи ифтихор аст, ки Ассамблеяи генералии Созмони Милали Муттаҳид бо ибтикори Президенти Ҷумҳурии Тоҷикистон муҳтарам Эмомалӣ Раҳмон Наврӯзро ҷашни байналмилалӣ эълон намуд. Имрўз Наврўзи оламафрўз дар тамоми олам шинохта шудаву мардумони дунёро омадани онро пазмон мешаванд.
София ШОИК,
АМИТ «Ховар»
АКС: АМИТ «Ховар»/манбаъҳои боз
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
35 тавсифи пурарзиши Президенти Тоҷикистон дар ситоиши Истиқлолияти давлатӣ
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
Кормандони соҳаи фарҳанг бо мукофотҳои давлатӣ сарфароз гардиданд
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
