ИЛОҶИ ВОҚЕА ПЕШ АЗ ВУҚӮЪ! Дар минтақаҳои махсусан хатарноки шаҳри Турсунзода барои пешгирии сел ҳашар доир шуд
ДУШАНБЕ, 06.03.2023 /АМИТ «Ховар»/. Бо боло рафтани ҳарорати ҳаво эҳтимоли сар задани офатҳои табиӣ, ба мисли лағзиши тарма, резиши санг ва омадани сел ва ярч зиёд мешавад. Аз ин рӯ, 4 март дар минтақаҳои махсусан хатарноки ҳудуди Ҷамоати деҳоти ба номи Ҷӯра Раҳмонов ва Навободи шаҳри Турсунзода кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон якҷо бо мақомоти иҷроияи ҳокимияти давлатии шаҳр, аҳолии ду ҷамоати деҳот бо ҷалби техникаи махсус тамрину ҳашарҳои ғайринақшавӣ гузарониданд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Бо супориши роҳбарияти Кумитаи ҳолатҳои фавқулода ва мудофиаи гражданӣ гурӯҳҳои корӣ таъсис дода шуд, ки корҳои пешгирикунанда ва ташкили ҳашари умумиро бо ҷалби аҳолии маҳаллӣ дар шаҳру ноҳияҳо амалӣ менамоянд. Инчунин барои пешгирӣ аз хатари офатҳо тамринҳои ғайринақшавии мудофиаи гражданӣ гузаронда мешаванд.
Кормандони масъули Кумита бо иштироки роҳбарияти ҷамоатҳо оид ба омодагии аҳолӣ, ҷалби қувва ва воситаҳои шаҳр барои гузаронидани корҳои пешгирию тозакунӣ машқ доир карданд. Дар ҷараёни он роҳҳо, ҷӯйборҳо ва қубурҳои обгузар аз хоку лой пок карда шуд.
Гурӯҳи корӣ ҷиҳати ҷилавгирӣ аз оқибатҳои сел, ярч, оқибатҳои боло рафтани сатҳи оби рӯдхонаҳо ва рафъи пайомадҳои офатҳои эҳтимолӣ бо аҳолӣ суҳбат карда, онҳоро омода месозанд.
Ба иттилои Агентии беҳдошти замин ва обёрии Тоҷикистон, соли сипаригардида дар доираи «Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои солҳои 2018-2022» дар ҷумҳурӣ аз ҳисоби ҳамаи манбаъҳо ба дарозии 50,5 км (198 фоизи нақша) ба маблағи 133,7 млн сомонӣ (185 фоиз) корҳои соҳилмустаҳкамкунӣ гузаронида шуданд.
Иттилоъ дода шуд, ки дар умум давоми 5 сол аз ҳисоби тамоми манбаъҳо ба маблағи 480,7 млн сомонӣ ба дарозии 216,0 км корҳои соҳилмустаҳкамкунӣ гузаронида, иншооти харобгардидаи муҳофизатии соҳил барқарору мустаҳкам карда шуд. Ин имкон дод, ки хавфи шусташавии заминҳо ва иншооти хоҷагии халқ як андоза коҳиш дода шавад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
