«КОРВОНИ САЛОМАТӢ». Сокинони ноҳияи Мастчоҳ ба ташхиси ройгон фаро гирифта мешаванд
ДУШАНБЕ, 30.03.2023 /АМИТ «Ховар»/. Аз 29 март то 6 апрел аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маъракаи «Корвони саломатӣ» гузаронида шуда, дар он сокинони ноҳияи Мастчоҳ ба ташхис ва муоинаи ройгон фаро гирифта мешаванд. Дар ин хусус ба АМИТ «Ховар» дар маркази матбуоти Вазорати мазкур иттилоъ доданд.
Дар доираи ин маъкара ба сокинон 16 табиби ботаҷриба, аз ҷумла асабшинос, дилшинос, терапевт, гинеколог ва стоматолог хизмат мерасонад. Нақлиёти махсуси сайёр бо таҷҳизоти рентгенӣ, стоматологӣ, кардиологӣ ва дигар лавозимоти зарурии тиббӣ муҷаҳҳаз гардонида шудааст.
Бояд тазаккур дод, ки бо мақсади дастрасии аҳолӣ ба хизматрасонии тиббӣ, ташхис ва муоинаи ройгони шаҳрвандон ва дар ин замина баланд бардоштани фарҳанги солимии аҳолӣ давоми солҳои охир бо дастгирии Ҳукумати Ҷумҳурии Тоҷикистон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маъракаи «Корвони саломатӣ» ташкил ва баргузор карда мешавад. Дар доираи ин маърака нақлиёти махсуси сайёри тиббӣ бо навтарин таҷҳизоту лавозимоти тиббӣ ва мутахассисони варзидаи соҳаҳои гуногун ба шаҳру навоҳии мамлакат сафар намуда, сокинонро ба ташхис ва муоинаҳои ройгон фаро мегирад.
АКС: Вазорати тандрустӣ ва ҳифзи иҷтимоии аҳолии Ҷумҳурии Тоҷикистон
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
