Кумитаи кор бо занон ва оилаи назди Ҳукумати Ҷумҳурии Тоҷикистон дар фазои идона Ҷашни байналмилалии Наврӯзро таҷлил намуд
ДУШАНБЕ, 22.03.2023 /АМИТ «Ховар»/. Дар мамлакат тантанаҳои Ҷашни байналмилалии Наврӯз идома дошта, 22 марти соли равон дар Кумитаи кор бо занон ва оилаи назди Ҳукумати Ҷумҳурии Тоҷикистон бо арҷгузорӣ ба расму оин ва анъанаҳои наврузӣ ҳамоиши фарҳангӣ –фароғатӣ баргузор карда шуд, хабар медиҳад хабарнигори АМИТ «Ховар».
Дар ин чорабинии бошукӯҳ роҳбарияти Кумита, собиқадорон, фаъолзанони мамлакат, тарбиятгирандагони Маркази таълимии «Чароғи ҳидоят», ҳофизон ва меҳмонон аз гӯшаву канори ҷумҳурӣ иштирок намуданд.
Ҳамоиши идона аслан аз суманакпазӣ, ки рамзи Наврӯз аст, оғоз гардида, сипас меҳмонон аз гӯшаи ҳунарҳои мардумӣ дидан намуданд.
Тазаккур дода шуд, ки бо ташаббуси Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни Наврӯз мақоми байналилалӣ гирифт ва ҳамасола ин ҷашни аҷдодиро дар аксари давлатҳои ҷаҳон бо шукӯҳу шаҳомат пешвоз мегиранд.
Иброз гардид, ки ҷаҳонӣ гардидани Наврўз мусоидат намуд, ки анъанаҳои миллии фаромўшгаштаи мо аз нав эҳё гардида, мо тоҷикон ин ҷашнро ҳамчун мероси муқаддастарини ниёгон ва покию зебоӣ дар фазои соҳибистиқлоливу ваҳдат бо шукргузорӣ аз Ватани обод таҷлил менамоем.
Дар ҷамъомад ҳамзамон сарояндаҳо ва шоирони шинохтаи ҷумҳурӣ, бо суруду шеъру таронаҳои ҷаззобу дилнишини табъи иштирокдоронро болида гардониданд.
София ШОИК,
АМИТ «Ховар»
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
