«МАЛИКАИ НАВРӮЗ — 2023». Дар Кӯлоб озмуни вилоятӣ доир карда шуд
КӮЛОБ, 20.03.2023 /АМИТ «Ховар»/. Дар шаҳри Кӯлоб озмуни вилоятии «Маликаи Наврӯз — 2023» доир шуд, ки дар он аъзои маҳфилҳои шаҳр фаъолона иштирок карданд, иттилоъ додааст мухбири минтақавии АМИТ «Ховар» Сулаймон Холзода.
Аъзои маҳфилҳо аз рӯйи шартҳои хондани тарона ва шеър, рақс ё суруд, тайёр кардани хӯриш, оростани хони наврӯзӣ ва пешниҳод кардани расми беҳтарин донишу маҳорати худро пешниҳод намуданд.
Озмуни «Маликаи Наврӯз — 2023» бо мақсади эҳёи анъанаҳои мардумии халқи тоҷик байни наврасон гузаронида шуда, мақсади он шинос шудан бо тарзи баргузории ҷашну анъанаҳои миллӣ, дарёфти истеъдодҳои нав ва ҳавасмандгардонии онҳо буд.
Аъзои ҳакамон ба маҳорати наврасон аз рӯйи шартҳо баҳо гузошта, ба беҳтаринҳо барои иштирок дар даври вилоятии озмуни «Маликаи Наврӯз — 2023» роҳхат доданд.
Озмуни мазкур бо оростани хони наврӯзӣ ва дигар талаботи зарурӣ дар сатҳи баланд баргузор шуда, барои ҳамаи иштирокчиён хотирмону ҷолиб анҷом ёфт.
Ғолибони озмун бо роҳхат дар даври вилоятии озмуни вилоятии «Маликаи Наврӯз — 2023» иштирок карда, бо дигар ғолибони минтақаҳои вилоят донишу маҳорат месанҷанд.
Наврасоне, ки дар озмун фаъол буданд, аз тарафи роҳбарияти Муассисаи таҳсилоти иловагии минтақаи Кӯлоб бо туҳфа ва ифтихорномаҳо қадрдонӣ карда шуданд.
АКС: АМИТ «Ховар»
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
