ПЕШГИРИИ ТАҒЙИРЁБИИ ИҚЛИМ. Бо мақсади татбиқи Саҳми дар сатҳи миллӣ муайяншуда корҳо тақвият дода мешаванд
ДУШАНБЕ, 10.03.2023 /АМИТ «Ховар»/. «Тақвияти чорабиниҳои соҳавӣ вобаста ба тағйирёбии иқлим бо мақсади татбиқи Саҳми дар сатҳи миллӣ муайяншуда»- таҳти чунин унвон дар Душанбе бо иштироки мутахассисон ва коршиносони миллию байналмилалӣ ҳамоиш доир гардид, ки Кумитаи ҳифзи муҳити зисти назди Ҳукумати ҷумҳурӣ аз созмондиҳандагони он буд. Дар ин бора ба АМИТ «Ховар» дар Кумитаи ҳифзи муҳити зист иттилоъ доданд.
Дар ҳамоиш таъкид карда шуд, ки муайян намудани шарикони калидӣ барои амалигардонии нақшаи татбиқи Саҳми дар сатҳи миллӣ муайяншуда дар бахшҳои афзалиятнок, аз ҷумла нақлиёт, энергетика, об, саноат, кишоварзӣ, хоҷагии ҷангал ва дигар бахшҳо кумак менамояд.
Бояд тазаккур дод, ки Ҷумҳурии Тоҷикистон моҳи марти соли 2019 ба шарикии Саҳми дар сатҳи миллӣ муайяншуда ҳамроҳ гардид. Бо ин мақсад Тоҷикистон соли 2021 саҳми дар сатҳи миллӣ муайяншударо такмил дода, онро ба Котиботи Конвенсияи қолабии Созмони Милали Муттаҳид оид ба тағйирёбии иқлим пешниҳод намуд. Дар он амалҳои қатъӣ дар самти мутобиқшавӣ ва коҳиши таъсири тағйирёбии иқлим ҷиҳати таъмини рушди устувор ва муассир, ҳалли мушкилоти экологӣ ва иҷтимоию иқтисодӣ дарҷ ёфт. Санади мазкур тадбирҳоеро дар бар мегирад, ки дар ҷумҳурӣ дар давраи то соли 2030 амалӣ карда мешавад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Нақшаи рушди низоми энергетикии Вилояти Мухтори Кӯҳистони Бадахшон муаррифӣ гардид
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
Масъалаи таъсиси парки муштараки саноатии Тоҷикистону Эрон баррасӣ карда шуд
Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Тоҷикистон ва Беларус ҳамкории зиддикоррупсиониро тақвият мебахшанд
