Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Ҳукумати Федератсияи Русия Михаил Мишустин мулоқот намуданд

Март 3, 2023 12:13

ДУШАНБЕ, 03.03.2023 /АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва Раиси Ҳукумати Федератсияи Русия Михаил Мишустин, ки бо сафар дар Ҷумҳурии Тоҷикистон қарор дорад, бо иштироки ҳайатҳо мулоқот анҷом доданд. Дар ин хусус АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон хабар медиҳад.

Зимни мулоқот дар атрофи масъалаҳои мубрами муносибатҳои Тоҷикистон ва Русия мубодилаи афкор сурат гирифт. Бо қаноатмандӣ иброз карда шуд, ки муносибатҳои дӯстона ва ҳамкории байни ду давлат дар ҳама самтҳо бемайлон рушд меёбад.

Муҳтарам Рустами Эмомалӣ таъкид доштанд, ки робитаҳои байнипарламентӣ шохаи муҳими муносибатҳои байнидавлатӣ ба ҳисоб рафта, мунтазам дар сатҳи сифатан нав роҳандозӣ мегарданд. Дар ин раванд фаъолияти Комиссия оид ба ҳамкорӣ байни Маҷлиси миллӣ ва Шӯрои Федератсия саҳми муносиби худро дар таҳкими шарикии стратегии давлатҳо мегузорад. Ҳамчунин робитаҳои парламентҳои ду давлат дар доираи Ассамблеяи Байнипарламентии Иттиҳоди Давлатҳои Мустақил (АБП ИДМ) ва Ассамблеяи Парламентии Созмони Аҳдномаи амнияти дастҷамъӣ (АП СААД) ба роҳ монда шудаанд.

Дар идомаи мулоқот ҳавасмандии ҷонибҳо оид ба тавсеаи ҳамкории иқтисодӣ ҳамчун унсури калидии шарикии байни ду давлат иброз гардида, ба масъалаҳои саноатикунонии босуръат, аз ҷумла густариши ҳамкорӣ дар соҳаҳои тиҷорат, саноатҳои маъдан, сабук, хӯрокворӣ, нақлиёт ва коммуникатсия, энергетика, комплекси агросаноатӣ, сайёҳӣ ва дигар бахшҳои иқтисоди миллӣ тавассути ҷалби сармояи мустақими русиягӣ таваҷҷуҳи махсус дода шуд.

Инчунин ҳавасмандии ҷонибҳо ба тақвияти робитаҳо байни минтақаҳо ва ҳамкорӣ дар соҳаи муҳоҷирати меҳнатӣ, аз ҷумла ҳалли масъалаҳои мубрам дар ин самт таъкид гардид.

Ҷонибҳо вобаста ба таҳкими ҳамкории фарҳангию гуманитарӣ, густариши робитаҳо байни муассисаҳои таҳсилоти олии ду давлат, омӯзиши забони русӣ, инчунин дигар самтҳои рушди ҳамкорӣ дар соҳаи маориф, илм, фарҳанг ва тандурустӣ ибрози назар карданд.

Дар мулоқот масъалаҳои ҳамкорӣ ва муқовимат ба муқобили хатару таҳдидҳои фаромиллӣ, вазъи амнияти минтақа бо таваҷҷуҳ ба вазъият дар Афғонистон, инчунин дигар масъалаҳои дуҷониба мавриди баррасӣ қарор дода шуданд.

АКС: АМИТ «Ховар»

Март 3, 2023 12:13

Хабарҳои дигари ин бахш

Маърифати ҳуқуқии шаҳрвандони Тоҷикистон кафили амнияти ҷомеа мебошад
Созишномаи қарзӣ байни Ҷумҳурии Тоҷикистон ва Бонки исломии рушд вобаста ба лоиҳаи таҷдиди роҳ ба тасвиб расид
Дар Душанбе таҳкиму тавсеаи робитаҳои байнипарлумонӣ байни Тоҷикистон ва Чин баррасӣ гардид
Ҳангоми истифодаи хабару маводи сомона истинод ба www.khovar.tj ҳатмӣ аст!
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Раиси Маҷлиси Шурои исломии Ҷумҳурии Исломии Эрон Муҳаммадбоқир Қолибоф барқияи изҳори тасаллӣ ирсол намуданд
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Дар Маҷлиси намояндагони Маҷлиси Олии Ҷумҳурии Тоҷикистон машварати корӣ баргузор гардид
Дар Душанбе раисони кумитаҳои Маҷлиси намояндагон ва намояндагони Бонки ҷаҳонӣ мулоқот намуданд
ҚАБУЛИ ҚОНУНИ МИЛЛӢ ДАР ТАҲРИРИ НАВ. Он ба таҳкими сатҳи маънавиёти шаҳрвандон ва некуаҳволии шахс, оила ва ҷомеа равона шудааст
ҚОНУНИ МИЛЛӢ ДАР ТАҲРИРИ НАВ ҚАБУЛ ГАРДИД. Акнун тарбияи кӯдак аз ҷониби се ниҳоди иҷтимоӣ — оила, мактаб ва ҷомеа амалӣ мешавад
Ҳамкории байнипарлумонии Тоҷикистон бо Узбекистон ва Қатар баррасӣ шуд
Вакилони Парлумони Тоҷикистон дар ҳамоиш оид ба ҳифзи арзишҳои демократӣ дар шаҳри Брюссел иштирок доранд