РАВАНДИ ОБИ ДУШАНБЕ. Дар Исломобод нишасти хабарии муштараки намояндагиҳои дипломатии Тоҷикистон ва Нидерланд баргузор гардид
ДУШАНБЕ, 14.03.2023 /АМИТ «Ховар»/. 13 март дар Исломобод нишасти хабарии муштараки намояндагиҳои дипломатии Тоҷикистон ва Нидерланд дар Покистон дар робита ба Конфронси СММ оид ба баррасии миёнамуҳлати Даҳсолаи байналмилалии амал «Об барои рушди устувор, солҳои 2018-2028» баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни суханронӣ сафири Тоҷикистон дар Покистон таъкид намуд, ки конфронс чорабинии муҳими СММ буда, онро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Подшоҳи Нидерланд аълоҳазрат Виллем-Александр раисӣ хоҳанд кард.
Дар нишасти хабарӣ муовини аввали вазири захираҳои оби Покистон Ҳассан Насир Ҷами иштирок намуда, ба ҳозирин мавқеи кишвари худро доир ба ин чорабинии муҳими байналмилалӣ изҳор намуд.
Нишасти хабарӣ бо иштироки намояндагони вазоратҳои корҳои хориҷӣ, захираҳои об, корпуси дипломатӣ, сохторҳои СММ дар Исломобод, мутахассисону рӯзноманигорон ва шабакаҳои телевизионии Покистон баргузор шуд.
Ёдовар мешавем, ки Конфронси оби СММ 22-24 марти соли 2023 дар шаҳри Ню-Йорк таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
АКС: Вазорати корҳои хориҷии Ҷумҳурии Тоҷикистон
КӮДАКОН-ОЯНДАИ МИЛЛАТ. Ва ё барои ҳар давлат насли солим зарур аст
Дастаи мунтахаби Тоҷикистон оид ба футзал дар Душанбе ба ҷамъомади таълимиву тамринӣ шуруъ намуд
ГРАН-ПРИИ ДУШАНБЕ-2023. Имрӯз маросими қуръакашии мусобиқа баргузор мегардад
ТОҶИКИСТОН-ВАТАНИ КӮДАКОНИ ХУШБАХТ. Эъто ба Рӯзи байналмилалии ҳифзи кӯдакон
Президенти Ҷумҳурии Тоҷикистон Эмомалӣ Раҳмон Президенти Федератсияи байналмилалии ҷудо Мариус Визерро ба ҳузур пазируфтанд
Дар Махачқалъа дурнамои робитаҳои тиҷоратию иқтисодии минтақаҳои Тоҷикистон ва Ҷумҳурии Доғистон баррасӣ шуд
Беш аз 20 корхонаи нассоҷӣ ва дӯзандагии Тоҷикистон аз «UzTextile Expo Spring» боздид намуд
Имрӯз дар шаҳри Душанбе бахшида ба Рӯзи байналмилалии ҳифзи кӯдакон барномаи фарҳангию фароғатӣ доир мегардад
ИМРӮЗ-РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Тоҷикистон дар мубориза бо маводи мухаддир устувор аст
Масъалаи фаъол гардонидани кори Шӯрои ҳамоҳангсозии шарикони рушд дар Душанбе баррасӣ карда шуд
Бахшида ба 30-солагии барқароршавии муносибатҳои дипломатӣ байни Тоҷикистон ва Қазоқистон консерти тантанавӣ доир гардид
1 ИЮН-РӮЗИ БАЙНАЛМИЛАЛИИ ҲИФЗИ КӮДАКОН. Ин рӯзи риоя ва эҳтироми ҳуқуқи кӯдак мебошад
