РАВАНДИ ОБИ ДУШАНБЕ. Дар Кувайт нишасти хабарӣ оид ба Конфронси оби СММ баргузор карда шуд
ДУШАНБЕ, 10.03.2023 /АМИТ «Ховар»/. 8 март Cафорати Ҷумҳурии Тоҷикистон ва Подшоҳии Нидерланд дар Кувайт ва намояндаи доимии Котиби генералии СММ дар кишвари иқомат оид ба раванди омодагиҳо ба Конфронси Созмони Милали Муттаҳид оид ба баррасии миёнамуҳлати Даҳсолаи об нишасти хабарӣ баргузор намуданд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни cуханронӣ роҳбари намояндагии дипломатии Ҷумҳурии Тоҷикистон оид ба Конфронси оби СММ дар соли 2023 маълумоти мухтасар дода, иштирокчиёнро бо ташаббусҳои ҷаҳонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти об, алалхусус Даҳсолаи байналмилалии амал «Об барои рушди устувор, солҳои 2018 — 2028» шинос намуд.
Сафири Подшоҳии Нидерланд низ оид ба ҳамраисии кишвараш бо Тоҷикистон ва ҳамкорӣ дар ин самт, инчунин аз ташаббусҳои ҷаҳонии мамлакат роҷеъ ба масъалаҳои об изҳори қадрдонӣ намуд.
Намояндаи СММ дар Давлати Кувайт дар навбати худ оид ба аҳаммияти Конфронси об ва ғояҳои он суханронӣ намуда, ба ҳамраисии муваффақи Ҷумҳурии Тоҷикистон дар омодагӣ ба Конфронси мазкур баҳои баланд дод.
Брифинг бо ҳузури доираи васеи намояндагони воситаҳои ахбори оммаи Давлати Кувайт баргузор гардид.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Ташаббуси Тоҷикистон дар СММ: масъулияти байнинаслӣ ҳамчун парадигмаи нави ҳуқуқи сулҳ. Андешаҳо дар ин маврид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
