Ректори Донишгоҳи миллии Тоҷикистон ноиби Президенти Ассотсиатсияи донишгоҳҳои АвруОсиё интихоб гардид
ДУШАНБЕ, 03.03.2023 /АМИТ «Ховар»/. Ректори Донишгоҳи миллии Тоҷикистон, доктори илмҳои иқтисодӣ, профессор Қобилҷон Хушвахтзода ноиби Президенти Ассотсиатсияи донишгоҳҳои АвруОсиё интихоб шуд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
2 март дар шаҳри Москваи Федератсияи Русия дар заминаи Донишгоҳи давлатии Москва ба номи М. В. Ломоносов Анҷумани 15-уми Ассотсиатсияи донишгоҳҳои АвруОсиё оғоз гардид, ки дар кори он роҳбарон ва намояндагони муассисаҳои таҳсилоти олии касбии бонуфуз аз давлатҳои АвруОсиё, аз ҷумла ҳайати Донишгоҳи миллии Тоҷикистон таҳти роҳбарии ректор Қобилҷон Хушвахтзода иштирок доранд.
Дар қисмати аввали Анҷуман ба Ассотсиатсияи донишгоҳҳои АвруОсиё аъзои нав қабул карда шуданд. Якчанд муассисаҳои таҳсилоти олӣ бо мақсади таҳкими ҳамкории дуҷониба ва истифодаи таҷрибаи пешқадам ба Ассотсиатсияи мазкур шомил гардиданд.
Дар ифтитоҳи Анҷуман Қобилҷон Хушвахтзода дар робита ба самтҳои гуногуни илмию таълимӣ ва саҳми Ассотсиатсияи донишгоҳҳои АвруОсиё дар рушди ҳамаҷонибаи донишгоҳҳои ҳамкор сухан гуфт.
Зимнан таъкид шуд, ки дар замони ҷаҳонишавӣ рушди ҳамкорӣ дар самти табодули устодону донишҷӯён, ташкили ҳамоишҳои сатҳи байналмилалӣ, истифодаи таҷрибаи пешқадам дар самти илму истеҳсолот ва навоварӣ, ба роҳ мондани низоми таълими 2+2, таҳияи барномаҳои муштараки таълимӣ ва лоиҳаҳои таҳқиқотӣ, ташкили ҳамоишҳои эҷодӣ-таҳқиқотӣ миёни ҷавонон, омода намудани мақолаҳои илмӣ дар сатҳи байналмилалӣ ва таҳкими ҳамкорӣ дар низоми аспирантураву магистратура дар шакли 1+1 талаботи замони муосир мебошад.
Дар қисмати дуюми Анҷуман дастовардҳои Донишгоҳи миллии Тоҷикистон дар самти таълим, илм, тарбия, муносибатҳои байналмилалӣ, ташкили кор, усулҳои идоракунӣ дар шароити ҷаҳонишавӣ баён гардида, донишгоҳ ҳамчун муассисаи пешсаф муаррифӣ карда шуд.
Дар натиҷаи овоздиҳӣ ректори Донишгоҳи миллии Тоҷикистон, доктори илмҳои иқтисодӣ, профессор Қобилҷон Хушвахтзода ба ҳайси ноиби Президенти Ассотсиатсияи донишгоҳҳои АвруОсиё интихоб шуд.
Зимни баргузории Анҷумани мазкур дар самти ҳамкории гуногунҷанбаи аъзои Ассотсиатсия ёддоштҳои нави ҳамкорӣ ба имзо расиданд.
Аз ҷумла, ректори Донишгоҳи миллии Тоҷикистон Қобилҷон Хушвахтзода бо ректори Донишгоҳи давлатии Москва ба номи М. В. Ломоносов Виктор Садовничий оид ба самтҳои мухталиф табодули афкор намуд. Дар зимн байни Донишгоҳи миллии Тоҷикистон ва Донишгоҳи давлатии Москва ба номи М. В. Ломоносов бо мақсади рушди ҳамкории илмию таълимӣ ва истифодаи таҷрибаи пешқадам созишномаи нави ҳамкорӣ ба имзо расид.
Тазаккур дода шуд, ки имрӯз Донишгоҳи миллии Тоҷикистон бо 326 муассисаҳои илмию таълимӣ ва таҳқиқотии хориҷи мамлакат равобити мутақобилан судманд дорад.
Имрӯз, 3 март дар доираи баргузории Анҷуман дар пояи Донишгоҳи давлатии Москва ба номи М. В. Ломоносов Форуми Донишгоҳи шабакаи АвруОсиё ба нақша гирифта шудааст. Гуфта мешавад, ки форум дар бахшҳои гуногун доир мегардад.
АКС: Донишгоҳи миллии Тоҷикистон
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Илм-фурӯғи маърифат» дар соли 2025
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
