Роҳбарияти Донишгоҳи байналмилалии сайёҳӣ ва соҳибкории Тоҷикистон бо сарварони ширкатҳои сайёҳии Миср мулоқот намуд
ДУШАНБЕ, 12.03.2023 /АМИТ «Ховар»/. Дар доираи баргузории Намоишгоҳи байналмилалии «ITB Berlin-2023» роҳбарияти Донишгоҳи байналмилалии сайёҳӣ ва соҳибкории Тоҷикистон дар Берлин дар сиғаи B2B ва B2G бо роҳбарони ширкатҳои бонуфузи ҷаҳонӣ, аз ҷумла Ҷумҳурии Мисри Араб дар бахши сайёҳӣ ва фаъолияти меҳмонхонавӣ мулоқоти судманд анҷом дод.
Тавре ба АМИТ «Ховар» дар Донишгоҳи байналмилалии сайёҳӣ ва соҳибкории Тоҷикистон иттилоъ доданд, роҳбарияти Донишгоҳ бо раиси Шӯрои директорони шабакаи меҳмонхонаҳои «JAZ Hotel group», менеҷерони генералии ширкатҳои «Gasbar Travel» ва «Exclusive Holidays»-и Ҷумҳурии Мисри Араб мулоқот намуда, масъалаҳои марбут ба тақвияти ҳамкориро баррасӣ намуданд.
Дар ҷараёни гуфтушунид мусоҳибон ба мувофиқа расиданд, ки дар доираи санадҳои меъёрии ҳуқуқии ҷонибҳо минбаъд донишҷӯёнро аз рӯи ихтисосу самтҳои марбут ба таҷрибаомӯзӣ ва табодули таҷриба ба кор фаро гиранд.
Ҳамзамон дар ҳошияи «ITB Berlin-2023» вохӯрии роҳбарияти Донишгоҳи байналмилалии сайëҳӣ ва соҳибкории Тоҷикистон бо намояндагони вазорату идораҳо ва ширкатҳои сайёҳии олмонӣ баргузор гардид.
Дар он масоили вобаста ба тақвияти ҳамкорӣ дар соҳаи сайёҳӣ ва омодасозии мутахассисони бахши сайёҳӣ ва меҳмонхонадорӣ баррасӣ карда шуд.
АКС: Донишгоҳи байналмилалии сайёҳӣ ва соҳибкории Тоҷикистон
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
Дар Душанбе доир ба ташаккули маърифати зиддикоррупсионӣ ҳамоиш баргузор гардид
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
