Шумораи бедаракшудагон дар Эквадор бар асари ярч ба 71 нафар расид
ДУШАНБЕ, 29.03.2023 /АМИТ «Ховар»/. Шумораи афроди бедаракшуда баъд аз фаромадани ярч дар шаҳри Алауси қисмати марказии Эквадор ба 71 нафар расид. Тавре АМИТ «Ховар» бо истинод ба ТАСС иттилоъ медиҳад, дар ин хусус 28 март идораи ҳолатҳои фавқулодаи мамлакат хабар додааст. Қаблан дар бораи 64 бедарак ва 7 ҳалокшуда иттилоъ расида буд.
«8 нафар ҳалок, 30 нафар маҷруҳ ва 71 нафар бедарак шудааст», — омадааст дар охирин ҳисоботе, ки дар саҳифаи идора дар Twitter нашр шудааст.
Ба иттилои манбаъ, 32 нафар наҷот дода шуд. Дар ҷойи ҳодиса тоза кардани харобаҳо идома дорад.
Ярч шаби 27 март биноҳои истиқоматиро пахш кард. Дар маҷмӯъ 500 нафар дар минтақаи офати табиӣ қарор дошт. Мувофиқи арзёбии Салиби Сурх, 163 хонаи истиқоматӣ осеб дида ё хароб шудааст.
Моҳи феврал идораи ҳолатҳои фавқулодаи кишвар ҳушдор дода буд, ки дар минтақаи Алауси хавфи кӯчидан ва ҳаракати ҷинсҳои кӯҳӣ мавҷуд аст.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар шаҳри Душанбе ҳаво то 26 дараҷа гарм мешавад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
