Сокинони ноҳияи Темурмалик дар озмунҳои ҷумҳуриявӣ фаъолона иштирок мекунанд
ТЕМУРМАЛИК, 02.03.2023 /АМИТ «Ховар»/. Дар даври аввали муассисавии Озмуни ҷумҳуриявии ««Тоҷикон- оинаи таърихи миллат», ки дар муассисаҳои таълимии ноҳияи Темурмалик доир гардид, 710 хонанда ва 27 омӯзгор иштирок намуда, аз ин ҳисоб 91 хонанда ва 7 омӯзгор ба даври ноҳиявӣ роҳхат гирифт, хабар медиҳад мухбири минтақавии АМИТ «Ховар» Сулаймон Холзода.
Сокинони ноҳия низ дар озмунҳои ҷумҳуриявии «Фурӯғи субҳи доноӣ китоб аст», «Илм- фурӯғи маърифат», «Тоҷикистон- Ватани азизи ман» ва ««Тоҷикон — оинаи таърихи миллат» фаъолона иштирок менамоянд.
Шуъбаи маорифи Мақомоти иҷроияи ҳокимияти давлатии ноҳия ҷиҳати ҷалби бештари сокинон барои иштирок дар ин озмунҳо суҳбату вохӯрӣ ва корҳои фаҳмондадиҳиро дар байни омӯзгорону хонандагон ва сокинон пайваста мегузаронад.
Узви ҳакамони озмун Орзу Шарифхонов иттилоъ дод, ки “баргузории чунин озмунҳо ҷалби хонандагонро ба китобу китобхонӣ, ҳисси ватандӯстию хештаншиносӣ бештар намуда, онҳо аз асарҳои адибони классику муосир баҳравар мегарданд. Имсол ба озмунҳои қаблии ҷумҳуриявӣ боз як озмуни дигар- ««Тоҷикон- оинаи таърихи миллат» илова гардид, ки мақсад аз ташкили он огоҳии бештар пайдо намудани шаҳрвандон аз таъриху маданият ва фарҳанги миллӣ мебошад. Даври аввали озмуни мазкур аллакай дар аксар корхонаю ташкилот ҷамъбаст гардид. Оиннома, шартҳо ва тарзи баргузории озмунҳо ба ҳама дастрас буда, шаҳрвандон метавонанд бо онҳо шинос шуда, озодона дар озмунҳо иштирок намоянд”.
АКС: АМИТ «Ховар»
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
«ИЛМ — ФУРӮҒИ МАЪРИФАТ». Дар шаҳри Бӯстон даври шаҳрии озмуни ҷумҳуриявӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
ИҚДОМИ ТАЪРИХИИ ПЕШВОИ МИЛЛАТ. Он насли наврасро водор месозад, ки аз қаҳрамонии гузаштагон сабақи зиндагӣ гиранд
