Тӯфони тропикии «Фредди» дар Малави аллакай ҳаёти 326 нафарро аз байн бурд
ДУШАНБЕ, 18.03.2023 /АМИТ «Ховар»/. Мувофиқи маълумоти аз шаҳри Лилонгве бо истинод ба изҳороти Департаменти бартарафсозии офатҳои табиии /DoDMA/ Малави воридшуда, тавассути тӯфони тропикии «Фредди», ки бар асари он обхезиҳо, шамолҳои шадид ва селҳо ба вуҷуд омаданд, аллакай 326 нафар дар ҷануби ин мамлакати африқоӣ ҳалок шуда, 201 нафар бедарак ва 796 нафари дигар захмӣ гардидаанд. Инчунин зиёда аз 180 ҳазор нафар ба дигар ҷой кӯчонида шудааст. Дар ин хусус АМИТ «Ховар» бо истинод ба «Синхуа» иттилоъ медиҳад.
Президенти Малави Лазарус Чаквера рӯзи панҷшанбе ба минтақаҳои осебдида рафта, бо муроҷиати телевизионӣ ба мардум оид ба вазъияти ногувор ва тадбирҳои андешидашуда барои наҷот ва кумак иттилоъ дод. Ба гуфтаи ӯ, офатҳои табиӣ, ки дар натиҷаи тӯфони кунунӣ ба вуҷуд омадаанд, харобиовартарин ҳодисаҳои табиӣ дар даҳсолаҳои охир ба ҳисоб мераванд. Ӯ бори дигар ҷомеаи байналмилалиро ҷиҳати расонидани кумаки бештари башардӯстона ба Малави даъват намуд.
Рӯзи чоршанбе президент мотами миллии 14-рӯза эълон намуда, 1,5 миллион доллар барои кумак ба осебдидагон ҷудо кард. Дар айни замон мақомот 317 нуқтаи муваққатӣ ташкил кардааст. Амалиёти муштараки наҷотдиҳӣ, ки аз ҷониби хадамоти тиббӣ, артиш, полис ва Ҷамъияти Салиби Сурхи Малави гузаронида мешавад, идома дорад.
Хадамоти обуҳавошиносии Малави ҳушдор дод, ки рӯзҳои наздик дар баъзе минтақаҳои мамлакат низ бориш ва раъду барқ дар назар аст.
Ёдовар мешавем, ки тӯфони тропикии «Фредди» мутаносибан ҳаёти 73 ва 17 нафарро дар Мозамбик ва Мадагаскар аз байн бурдааст.
Азиза ДАДАБОЕВА,
АМИТ «Ховар»
АКС аз манбаъҳои боз
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
