Теъдоди ҳалокшудагони заминларзаҳо дар ҷанубу шарқи Туркия ба беш аз 49 ҳазор расид
ДУШАНБЕ, 17.03.2023 /АМИТ «Ховар»/. Теъдоди бар асари заминларзаҳо ҳалокшудагон дар ҷанубу шарқи Туркия аз 49 ҳазор зиёд шуд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи панҷшанбе Президенти Ҷумҳурии Туркия Реҷеп Тайип Эрдуғон изҳор дошт.
«6 феврал 11 музофоти ҷанубу шарқи мамлакати мо аз офати табиие, ки аз ҷиҳати тавоноӣ ва харобкориаш дар ҷаҳон ба худ ҳамто надорад, ба ларза афтод. Дар ҳамин ҳол тақрибан 14 миллион шаҳрвандони мо аз ин заминларза осеб диданд, беш аз 49 ҳазор ба ҳалокат расида, зиёда аз 115 ҳазор ҷароҳат бардошт», — баён намуд ӯ.
«Мо амалиёти ҷустуҷӯ ва наҷотдиҳиро ба анҷом расонидем, корҳои ба тартиб даровардани харобаҳо ва ташкили минтақаҳои зисти муваққатиро анҷом дода, ба сохтмони манзилҳои доимӣ низ шурӯъ кардем», — изҳор дошт Реҷеп Тайип Эрдуғон.
Ёдовар мешавем, ки 6 феврал дар музофоти Қаҳрамонмараши ҷанубу шарқи Туркия заминларзаҳо бо шиддати 7,7 ва 7,6 ба амал омаданд. заминларзаҳо ва баъд аз он ҳазорон пасларзаҳо дар 11 вилояти ҷумҳурӣ ва давлатҳои ҳамсоя эҳсос шуданд, ки аз ҳама зиёд Сурия осеб дидааст. Тибқи пешгӯиҳои СММ, хисороти офати табиӣ метавонад 100 миллиард долларро ташкил диҳад.
Азиза ДАДАБОЕВА,
АМИТ «Ховар»
АКС аз манбаъҳои боз
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
Иштирокдорони Форуми XI байналмилалии «Кӯдакони Иттиҳод» дар Осорхонаи миллӣ бо таъриху тамаддуни тоҷикон шинос шуданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ меҳвари асосии худшиносӣ ва кафили соҳибихтиёрии давлат аст
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
Намояндагони воситаҳои ахбори омма бо натиҷаҳои татбиқи лоиҳаҳои Барномаи рушди СММ дар вилояти Суғд шинос мешаванд
Имрӯз дар водиҳои Тоҷикистон ҳаво то 39 дараҷа гарм мешавад
Хадамоти назорати давлатии бехатарии корҳо дар саноат ва соҳаи кӯҳкорӣ оид ба риояи талаботи бехатарии саноатӣ машварат доир намуд
