Теъдоди ҳалокшудагони заминларзаҳо дар Туркия аз 45 ҳазор гузашт

ДУШАНБЕ, 02.03.2023 /АМИТ «Ховар»/. Теъдоди ҳалокшудагони заминларзаҳо дар Туркия аз 45 ҳазор гузашт. Тавре АМИТ «Ховар» иттилоъ медиҳад, дар ин хусус АЗЕРТАҶ бо истинод ба Агентии ҳолатҳои фавқулодаи Туркия (AFAD) хабар додааст.

Тибқи маълумот, офати табиӣ сабаби ҳалок шудани  45 ҳазору 89 нафар гардидааст. Аз макони зилзила 1 миллиону 971 ҳазору 589 одам кӯчонида шуд.

Ёдовар мешавем, ки пас аз заминларзаи шадид, ки 6 феврал рух дод, то имрӯз 11 ҳазору 20 пасларза, аз ҷумла беш аз 10 ҳазор заминларза бо шиддати 6,6 балл ба қайд гирифта шудааст. Ду заминларзаи дигар ҳамчунин дар Лубнон, Ироқ, Исроил,Урдун, Эрон, Миср ва Кипр низ эҳсос шуданд.

Офати табиӣ боиси харобиҳои азим ва даҳҳо ҳазор қурбониҳо дар Туркия ва Сурия гардид. Дар 10 музофоти аз ҳама осебдидаи Туркия ба муҳлати се моҳ вазъияти фавқулода эълон карда шуд.

Азиза ДАДАБОЕВА,
АМИТ «Ховар»

АКС аз манбаъҳои боз