ЗИНДАГӢ АЗ МОДАР САРЧАШМА МЕГИРАД. Таҳти ин унвон дар Академияи идоракунии давлатӣ ҳамоиш доир гардид
ДУШАНБЕ, 06.03.2023 /АМИТ «Ховар»/. Мояи хушнудӣ ва сарфарозист, ки нақш ва мақоми зан ҳамчун қишри муҳими ҷомеа марҳила ба марҳила баланд бардошта мешавад. Солҳои охир фаъолнокии занон дар соҳаҳои маориф ва илм, иқтисодиёт, иҷтимоиёт ва сиёсат нисбат ба солҳои гузашта бештар ба назар мерасад. Ин матлаб 3 март зимни ҳамоиш таҳти унвони «Зиндагӣ аз модар сарчашма мегирад», ки ба Рӯзи Модар бахшида шуда буд, дар Академияи идоракунии давлатии назди Президенти Ҷумҳурии Тоҷикистон баён гардид.
Дар ҷамъомад доираи васеи занону духтарони собиқадори соҳаи хизмати давлатӣ иштирок намуда, иброз намуданд, ки модари тоҷик ҳазорҳо фарзандони бонангу номус, паҳлавони ҷасур, абармардони хирадманду фарзона ва фидокору номбардори миллатро ба дунё оварда, дар домани муҳаббати худ тарбият карда, ба камол расонид ва онҳоро дар роҳи хизмат ба Ватан ва хизмат ба инсоният дуо додааст. Аз ин хотир дӯст доштан, эҳтиром кардан, ба қадри ранҷу заҳмат ва меҳру муҳаббати модар расидан қарзи инсонии ҳар фарзанд аст.
Гуфта шуд, ки модари Ибни Сино Ситорабону фарзандеро ба олам овард, ки нахустин бор дар ҷаҳон илми тибро асос гузошт ва дунёро тасхир намуд. Фарзанди модари мушфиқ Розия Озод- Бобоҷон Ғафуров бо китоби «Тоҷикон»-и худ миллати моро ба ҷаҳониён муаррифӣ сохт. Модари бузургвор Бибимарям фарзанди фарзонаи халқи тоҷик- Эмомалӣ Раҳмонро ба дунё овард, ки қавми парешонгаштаи моро сарҷамъу анъанаҳои миллии моро эҳё намуданд, забони тоҷикиро аз нав ба тахт нишонда, давлати тоҷиконро пас аз ҳазор соли даврони Исмоили Сомонӣ дубора дар арсаи ҷаҳон маълуму машҳур гардониданд.
Собиқадорони соҳаи хизмати давлатӣ таъкид намуданд, ки «занон аз солҳои аввали соҳибистиқлолӣ ҳамеша мавриди таваҷҷуҳи хосси Президенти мамлакат муҳтарам Эмомалӣ Раҳмон қарор дошта, ба мақом ва мартабаи Зан-Модар ҳамеша аҳамияти аввалиндараҷа дода мешавад.
Дар солҳои соҳибистиқлолӣ барои баланд бардоштани мавқеи иҷтимоии занон дар мамлакат 20 санади муҳими давлатӣ қабул гардид. Соли 2014 бонуфузтарин ташкилоти ҷаҳонӣ- Созмони Милали Муттаҳид ҷумҳурии моро узви Комиссияи доимамалкунанда оид ба мақоми зани Созмони Милали Муттаҳид интихоб кард».
АКС: Академияи идоракунии давлатии назди Президенти Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
