ҲАДАФ-АМАЛИЁТИ БОНКӢ. Байни «Амонатбонк» ва «Азер-ТуркБанк» санади ҳамкорӣ ба имзо расид
ДУШАНБЕ, 05.04.2023 /АМИТ «Ховар»/. Байни Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ва Ҷамъияти саҳомии кушодаи «Азер-Турк Банк»-и Ҷумҳурии Озарбойҷон Ёддошти тафоҳум оид ба ҳамдигарфаҳмӣ ба имзо расонида шуд, ки дар асоси он «Амонатбонк» ва «Азер –Турк Банк» дар оянда ҳамкориро тақвият мебахшанд. Дар ин хусус АМИТ «Ховар» бо истинод ба КВД Бонки амонатгузории Ҷумҳурии Тоҷикистон «Амонатбонк» иттилоъ медиҳад.
Санади мазкурро дар доираи Форуми сармоягузории Тоҷикистон ва Озарбойҷон, ки 4 апрел дар арафаи сафари давлатии Президенти Ҷумҳурии Озарбойҷон Илҳом Алиев ба Ҷумҳурии Тоҷикистон доир гардид, роҳбарони «Амонатбонк» ва «Азер –Турк-Банк» ба имзо расониданд.
Баъди ба имзо расонидани санади мазкур мулоқоти В2В байни роҳбарони «Амонатбонк» ва «Азер-Турк Банк» баргузор карда шуд.
Дар он масоили ҳамкории дуҷониба ва ба роҳ мондани амалиёти бонкӣ, аз қабили кушодани суратҳисобҳои муросилотӣ, ҷойгиркунии шабонарўзӣ (overnight), мубодилаи асъор ва табодули таҷрибаи тарафайн мавриди баррасӣ қарор гирифт.
Ҳамчунин роҳбарони бонкҳо ба мувофиқа расиданд, ки аз ҳисоби кормандони дахлдори дастгоҳҳои марказии бонкҳо гурўҳи корӣ таъсис дода, нақшаҳои мазкурро ҳарчи зудтар амалӣ намоянд.
Дар маҷмуъ дар мулоқоти дуҷониба байни «Амонатбонк» ва «Азер-Турк Банк» барои оғози ҳамкории минбаъда заминаи хуб фароҳам оварда шуд.
АКС: АМИТ «Ховар»
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
