Ҳайати Тоҷикистон дар ҷаласаҳои солонаи Бонки ҷаҳонӣ ва Хазинаи байналмилалии асъор иштирок намуд
ДУШАНБЕ, 18.04.2023 /АМИТ «Ховар»/. Аз 10 то 16 апрел ҳайати Ҷумҳурии Тоҷикистон таҳти роҳбарии Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода дар ҷаласаҳои солонаи Бонки ҷаҳонӣ ва Хазинаи байналмилалии асъор, ки зери унвони «Бозсозии инкишоф» дар шаҳри Вашингтони ИМА баргузор гардид, иштирок намуд. Дар ин хусус АМИТ «Ховар» бо истинод ба Вазорати молияи Ҷумҳурии Тоҷикистон хабар медиҳад.
Дар ҳошияи ҷаласаҳои солона аъзои ҳайат дар якчанд чорабинии сатҳи баланд, аз ҷумла «Форуми амал барои об», ҳамоиш дар мавзуъҳои «Механизми нави маблағгузорӣ дар шароити рух додани офатҳои табиӣ», «Рушди бозори неруи барқ дар минтақаи Осиёи Марказӣ» ва форуми «Амнияти озуқаворӣ» иштирок карда, сухан гуфтанд.
Дар ин замина ҳайати Тоҷикистон бо роҳбарияти Бонки ҷаҳонӣ ва Хазинаи байналмилалии асъор, аз ҷумла бо Президенти навтаъйини Бонки ҷаҳонӣ Аҷая Банга, ноиби навтаъйини Президент оид ба Аврупо ва Осиёи Марказӣ хонум Антонелла Басани, ноиби Президент оид ба амалиёти молиявӣ ва ҳамкорӣ бо донорон Акихиро Нишио, ноиби роҳбари Корпоратсияи байналмилалии молиявӣ хонум Хела Шейх Рухоу, ноиби директор-тақсимкунандаи Хазинаи байналмилалии асъор Бо Лӣ ва дигар шахсони масъул вохӯрӣ намуд.
Инчунин бо ташаббуси Сафири Ҷумҳурии Тоҷикистон дар ИМА ҳайати Ҷумҳурии Тоҷикистон бо аъзои Палатаи соҳибкорони Тоҷикистон ва Иёлоти Муттаҳидаи Амрико мулоқот намуд, ки зимни он имконоти иқтисодию тиҷоратӣ ва сармоягузории ҷонибҳо муаррифӣ ва баррасӣ шуд.
АКС: Вазорати молияи Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
