АМАЛИЁТИ ПРОФИЛАКТИКИИ «ТАРТИБОТ». Дар Хоруғ қоидавайронкунии зиёди ронандагон муайян карда шуд
ДУШАНБЕ, 21.04.2023 /АМИТ «Ховар»/. Бо мақсади ба танзим даровардани ҳаракати воситаҳои нақлиёт дар ҳудуди шаҳри Хоруғ аз ҷониби кормандони шуъбаи Бозрасии давлатии автомобилии Раёсати Вазорати корҳои дохилӣ дар Вилояти Мухтори Кӯҳистони Бадахшон бо истифода аз имконияти камераҳои Шаҳри бехатар амалиёти профилактикии «Тартибот» гузаронида шуд. Дар ин хусус ба АМИТ «Ховар» дар Раёсати мазкур хабар доданд.
Зимни баргузории амалиёти мақсаднок аз ҷониби нозирони роҳ миқдори зиёди қоидавайронкунии ҳаракат дар роҳ, ба монанди дар ҷои ғайримуқаррарӣ таваққуф намудани воситаҳои нақлиёт, итоат накардан ба аломати роҳ, дар дохили истгоҳи нақлиёти мусофиркашони ҷамъиятӣ ва қаторҳои дуюму сеюми роҳи мошингард гузоштани воситаҳои нақлиёт муайян ва нисбат ба ронандагон маводи маъмурӣ ба расмият дароварда шуд.
Қоидавайронкуниҳои мазкур ба танбашавии сунъии ҳаракат дар роҳ мусоидат намуда, ба ҳаракати бонизоми нақлиёти мусофиркашони ҷамъиятӣ ва ҳамзамон нақлиёти боркашони гаронвазн, аз қабили дулану фураҳо, ки масири байналмилалии Душанбе-Хоруғ-Қулмаро тай мекунанд, халал ворид мекунанд.
Дар натиҷа нисбат ба ронандагон аз рӯи қоидавайронкуниҳои содирнамудаашон бо талаботи моддаҳои Кодекси ҳуқуқвайронкуниии маъмурии Ҷумҳурии Тоҷикистон санадҳои ҳуқуқвайронкунии маъмурӣ тартиб дода шуда, барои минбаъд риоя намудани Қоидаҳои ҳаркати роҳ аз ҷониби нозирони роҳ суҳбатҳои профилактикӣ гузаронида шуд.
АКС: Раёсати Вазорати корҳои дохилӣ дар Вилояти Мухтори Кӯҳистони Бадахшон
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«ДӮСТ ОЯД, ГАРМ ДАР ОҒӮШ ГИР». Ҷавонони фаъоли Тоҷикистон бо корхонаҳои саноатӣ ва мавзеъҳои фарҳангии ноҳияи Рӯдакӣ шинос гардиданд
«ТОҶИКИСТОН-2024». Дар Намоишгоҳи байналмилалии универсалӣ 65 ширкату корхонаи ватанию хориҷӣ маҳсулоташонро муаррифӣ менамоянд
Раёсати ҳифзи муҳити зист дар минтақаи Кӯлоб соҳиби бинои замонавӣ мегардад
МАРОТИБАИ АВВАЛ. Дар Тоҷикистон намоиши асарҳои бо мех офаридаи рассоми олмонӣ баргузор мешавад
Дар семоҳаи якуми соли 2024 дар ноҳияи Фирдавсӣ 683 шаҳрванд ба сафи Ҳизби Халқии Демократии Тоҷикистон пайвастанд
