Аз мавзеъҳои таърихиву фарҳангӣ ва боғу гулгаштҳои вилояти Суғд зиёда аз 24 ҳазор нафар дидан намудааст

ДУШАНБЕ, 24.04.2023 /АМИТ «Ховар»/. Дар се моҳи аввали соли равон аз мавзеъҳои таърихиву фарҳангӣ ва боғу гулгаштҳои вилояти Суғд зиёда аз 24 ҳазор нафар боздид намудааст, хабар медиҳад АМИТ «Ховар» бо истинод ба шуъбаи рушди сайёҳии мақомоти иҷроияи ҳокимияти давлатии вилоят.

Тибқи иттилои масъулини шуъбаи рушди сайёҳии вилоят, дар ин давра 920 сайёҳи хориҷӣ аз вилоят дидан кардааст.

Бояд таъкид кард, ки дар шаҳру ноҳияҳои вилояти Суғд 43 ширкати сайёҳӣ  ва 2 ташкилоти ҷамъиятӣ – Шӯрои рушди сайёҳӣ ва Ассотсиатсияи рушди сайёҳии Зарафшон фаъолият мебарад.

Ҳамзамон дар шаҳру ноҳияҳои вилоят 95 субъекти хизматрасонии сайёҳӣ, аз ҷумла 64 меҳмонхона, 19 осоишгоҳ, 2 маркази муолиҷавӣ, 4 дармонгоҳи табобатӣ-истеҳсолӣ, 4 лагер, 1 хона ва 1 базаи истироҳатӣ бо ғунҷоиши зиёда аз 7000 ҷой, 24 осорхона ва 1190 ёдгории таърихию фарҳангӣ, 97 зиёратгоҳ, 22 боғи фарҳангию фароғатӣ ва зиёда аз 1200 нуқтаи хӯроки умумӣ, аз қабили қаҳвахона, ошхона ва чойхона фаъолият мебарад.

АКС аз манбаъҳои боз