БА ИСРОФКОРӢ РОҲ НАДИҲЕМ! Ин масъала дар вилояти Хатлон мавриди баррасӣ қарор гирифт
ДУШАНБЕ, 19.04.2023 /АМИТ «Ховар»/. Беназорат нагузоштани кўдакону наврасон, тарғиби сарфаю сариштакорӣ, пешгирии исрофкорӣ ва зиёдаравӣ дар айёми иду маросимҳо, инчунин расонидани кумак ба эҳтиёҷмандон, аз ҷумлаи масъалаҳое буданд, ки 18 апрел зимни ҷаласаи корӣ дар Идораи телевизион ва радиои вилояти Хатлон бо иштироки роҳбарони сохторҳои дахлдор мавриди баррасӣ қарор гирифт. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Дар ҷаласаи мазкур, ки бо иштироки муовини Раиси вилоят Фирӯза Шарифӣ баргузор гардид, масъулин доир ба рафти иҷрои Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» гузориш доданд. Аз ҷумла, мудири шуъбаи дин, танзими анъана ва ҷашну маросими мақомоти иҷроияи ҳокимияти давлатии вилоят дар ин хусус ҳисобот дода, иброз дошт, ки мутаассифона, бо вуҷуди бурдани корҳои фаҳмондадиҳӣ, ҳанўз ҳам нафароне ёфт мешаванд, ки қонуни мазкурро риоя накарда, ба исрофкорӣ роҳ медиҳанд.
Дар ҷаласа таъкид гардид, ки Президенти мамлакат муҳтарам Эмомалӣ Раҳмон борҳо таъкид намудаанд, ки ба исрофкорӣ ва зиёдаравӣ роҳ надода, баръакс ба ҷойи ин барои фарзандонамон ҷиҳати омўзиши дониш, касбу ҳунар ва мутолиаи китоб шароит фароҳам биёрем.
Гуфта шуд, ки дар ҳақиқат, дар баъзе оилаҳо одитарин шароити таълим барои фарзандон-миззу курсӣ, ҷевони китоб ва ғайра таҷҳизоту ашёи хониш фароҳам оварда нашудааст, аммо волидайн ба ҷои ин ба оростани дастурхони пурдабдаба ва худнамоӣ машғул мешаванд, ки оқибати хуб надорад.
Дар ҷаласа ҳамчунин сардори Раёсати кор бо ҷавонон ва варзиши вилоят бобати баргардонидани ҷавононе, ки ғайрирасмӣ дар мактабҳои динии хориҷи мамлакат таҳсил мекунанд, пешгирии шомилшавии ҷавонон ба ҳизбу ҳаракатҳои ифротӣ, таълимоти ғайрирасмии динии шаҳрвандон, воридшавии ноболиғон ба иттиҳодияҳои динӣ ҳисобот дод.
Дар ҷаласа иброз гардид, ки дар вилоят бо мақсади пурзўр намудани корҳои фаҳмондадиҳӣ доир ба масъалаҳои зикршуда гурӯҳҳои корӣ таъсис дода мешавад.
Гурўҳҳои корӣ дар байни сокинони шаҳру ноҳияҳои вилоят доир ба мавзуи мавриди назар кор мебаранд.
Рухсораи НУР,
АМИТ «Ховар»
АКС: Мақомоти иҷроияи ҳокимияти давлатии вилояти Хатлон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
