БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар Хуҷанд бунёд, таъмир ва навсозии 590 иншоот ба нақша гирифта шудааст
ДУШАНБЕ, 11.04.2023. /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон давоми соли 2022 ва се моҳи сипаришудаи соли 2023 дар шаҳри Хуҷанд 226 иншооти таъйиноти гуногун бунёд, таъмир ва навсозӣ карда шуд. Дар ин бора ба хабарнигори АМИТ «Ховар» дар Мақомоти иҷроияи ҳокимияти давлатии шаҳри Хуҷанд иттилоъ доданд.
Аз шумораи иншооте, ки дар ин давра мавриди баҳрабардорӣ қарор гирифт, 20 адади онро коргоҳу корхонаи саноатӣ ташкил медиҳад.
Дар маҷмуъ ба истиқболи 35-солагии Истиқлоли давлатии Ҷумҳурии Тоҷикистон дар шаҳри Хуҷанд бунёд, таъмир ва навсозии 590 иншоот ба нақша гирифта шудааст.
Нақшаи мукаммали созандагӣ дар шаҳри Хуҷанд асосан фарогири тарҳҳои бузургу замонавӣ, ба монанди бунёди биноҳои баландошёнаи истиқоматӣ, корхонаҳои хурду миёнаи саноатӣ, мактабу кӯдакистонҳо, майдону толорҳои варзишӣ, дармонгоҳҳои муосир, марказҳои хизматрасонӣ ва савдо, инчунин навсозии роҳҳои мошингард ва боғҳои фарҳангӣ-фароғатӣ мебошад.
Аз иншооти сохташаванда шумораи зиёди онро биноҳои баландошёнаи истиқоматӣ ташкил медиҳад.
Тазаккур дода шуд, ки дар вақти бунёди биноҳои баландошёнаи истиқоматӣ таваҷҷуҳи асосӣ ба сифати корҳо равона гардида, ҳар амали сохтмонӣ дар асоси лоиҳа иҷро карда мешавад.
Ба таъкиди масъулин, тамоми намуди масолеҳи сохтмонӣ пеш аз истифода мавриди ташхис қарор гирифта, назорат дар самти сифат доимӣ аст.
Давоми солҳои охир дар маркази вилояти Суғд-шаҳри Хуҷанд бо қомат афрохтани иншооти таъйиноти гуногун шарити кору хизматрасонӣ ва сатҳу сифати зиндагии мардум беҳтар гардида, боздиди ҷаҳонгардон низ афзоиш ёфтааст.
Азму иродаи сокинон, хусусан соҳибкорони шаҳри Хуҷанд дар роҳи татбиқи ҳадафҳои созандаи Ҳукумати мамлакат қавӣ аст. Ин аст, ки то ҷашни 35-солагии Истиқлоли давлатии Ҷумҳурии Тоҷикистон кулли иншооти нақшавӣ бо сатҳу сифати баланд сохта, ба истифода дода мешавад.
АКС аз бойгонӣ
Ҳамкории саноатӣ ва сармоягузории Тоҷикистону Қазоқистон густариш меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Одил Дониш хостори тақвияти ҳамкорӣ бо Тоҷикистон гардидааст
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
