Бар асари таркиш дар назди мошини полиси шаҳри Кветтаи Покистон 4 нафар ҳалок ва 9 тан маҷруҳ шуд
ДУШАНБЕ, 11.04.2023 /АМИТ «Ховар»/. Бар асари таркиш дар шаҳри Кветтаи музофоти Балуҷистони Покистон қариб чаҳор нафар ҳалок шуд, ки ду нафараш маъмури пулис буда, 18 тани дигар захмӣ гардид. Дар байни ҳалокшудагон занону кӯдакон низ ҳастанд. Тавре АМИТ «Ховар» иттилоъ медиҳад, дар ин хусус АЗЕРТАҶ бо истинод ба расонаҳои Покистон иттилоъ додааст.
Иттилоъ дода шудааст, ки эҳтимол дар бозори Гандаҳарӣ мототсикл таркидааст, ки дар он дастгоҳи тарканда бо вазни 3-4 килограмм ҷойгир шуда буд. Дар натиҷа ду мошин, аз ҷумла як мошини полис зарари ҷиддӣ дидааст. Ба ҷои ҳодиса фавран оташнишонҳо, наҷотдиҳандагон ва мутахассисони соҳаи тиб расида омаданд. Бо назардошти ҳолати вазнини баъзе зарардидагон намояндагони расмии сохторҳои тандурустӣ афзоиши шумораи ҳалокшудагонро истисно намекунанд.
Ҳамлаеро, ки бо марги одамон анҷом ёфт, маҳкум карда, сарвазири Покистон Шаҳбоз Шариф ишора намуд, ки нақшаҳои фиребгаронаи террористон нобуд карда мешавад. Масъулиятро Артиши манъшудаи озодии Балуҷ ба уҳда гирифтааст.
Қариб дар як вақт бо бозори Гандаҳарӣ мошини дигари полис дар роҳи Мунир Мангал ба ҳадаф гирифта шуд. Дар натиҷа ду пиёдагард осеб дид.
Азиза ИКРОМ,
АМИТ «Ховар»
АКС: «Синхуа»
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
