Дар Бадахшон баҳри тавсеаи ҳамкории судманд бо намояндаи Барномаи озуқавории ҷаҳонӣ мулоқот доир гардид
ДУШАНБЕ, 26.04.2023 /АМИТ «Ховар»/. Роҳбарияти Вилояти Мухтори Кӯҳистони Бадахшон бо намояндаи Барномаи озуқавории ҷаҳонӣ мулоқот намуд. Дар ин хусус АМИТ «Ховар» бо истинод ба мақомоти иҷроияи ҳокимияти давлатии вилоят хабар медиҳад.
Таъкид гардид, ки дар заминаи сиёсати дарҳои бози Ҳукумати Ҷумҳурии Тоҷикистон ҳамкории судманд дар соҳаҳои гуногун бо шарикони рушд, аз ҷумла Барномаи озуқавории ҷаҳонӣ марҳилаи тоза касб намудааст.
Дар мулоқот ҷонибҳо ҷиҳати тавсеаи ҳамкории минбаъдаи Ҷумҳурии Тоҷикистон ва Барномаи озуқавории ҷаҳонӣ, амалисозии нақшаву барномаҳои минбаъда табодули назар намуданд.
Барномаи ҷаҳонии ғизои Созмони Милали Муттаҳид (WFP), ки соли 1961 таъсис ёфтааст, бузургтарин созмони башардӯстона дар ҷаҳон аст. Ҳадафи асосии миссия аз беҳтар кардани сифати ғизо дар давлатҳои ҷаҳон иборат мебошад.
Ёдовар мешавем, ки татбиқи Барномаи ғизои мактабӣ аз ҷониби Барномаи ҷаҳонии озуқавории Созмони Милали Муттаҳид дар Ҷумҳурии Тоҷикистон аз соли 1999 оғоз гардида, то нимаи соли 2024 давом хоҳад кард.
Барномаи ғизои мактабии Барномаи ҷаҳонии озуқавории Созмони Милали Муттаҳид дар Ҷумҳурии Тоҷикистон қисми муҳимтарини стратегияи Ҳукумати ҷумҳурӣ оид ба паст гардидани сатҳи камбизоатӣ ва рушди маориф мебошад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
