Дар Чин тӯфонҳои хоколуд ба амал омадааст
ДУШАНБЕ, 12.04.2023 /АМИТ «Ховар»/. Дар Чин тӯфонҳои хоколуд ба амал омада, сатҳи баланди хатарнокии обу ҳаво эълон гардид. Дар ин хусус АМИТ «Ховар» бо истинод ба АБИ «Казинформ» иттилоъ медиҳад.
Мувофиқи иттилои Хадамоти марказии обуҳавосанҷии Чин, аз 11 то 12 апрел тӯфонҳои хоколуд ва чангу ғубор Синтсзян, Муғулистони Дохилӣ, Хэбэй, Шансӣ, Шэнсӣ, Хэнан, Ляонин, Тсзилин, Хэйлунтсзян, Анхой, Тсзянсу, Хубей ва инчунин бузургшаҳрҳоеро, чун Пекин, Тянтсзин ва Шанхай фаро мегиранд.
Тӯфонҳои шадиди хоколуд дар қисмати марказии Муғулистони Дохилӣ дар назар аст.
Сокинони Пекин аз субҳ пардаи хокистарии ғуборолуд ва тарҳҳои норавшани биноҳоро дар шаҳр мушоҳида мекунанд. Ифлосшавии ҳаво дар чанд минтақаи пойтахти Чин барои саломатӣ «хатарнок» арзёбӣ шудааст. Зичии моддаҳои заррачаҳои PM10 аз 1000 мкг/куб зиёдтар аст.
Обуҳавошиносон ваъда медиҳанд, ки то субҳи чаҳоршанбе вазъ беҳтар шуда, сатҳи олудагии ҳаво тадриҷан коҳиш меёбад.
Азиза ИКРОМ,
АМИТ «Ховар»
АКС: АБИ «Казинформ»
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
