Дар деҳаи Кӯҳандиёри ноҳияи Фархор коргоҳи истеҳсоли орд ба истифода дода шуд
ФАРХОР, 30.04.2023 /АМИТ «Ховар»/. Дар деҳаи Кўҳандиёри Ҷамоати деҳоти Ватани ноҳияи Фархор коргоҳи коркарди шолӣ ва бастубанди биринҷ, истеҳсоли орди навъи якуму олӣ, хӯроки чорво ва шоназании пахта ба истифода дода шуд, хабар доданд ба мухбири минтақавии АМИТ «Ховар» дар мақомоти иҷроияи ҳокимияти давлатии ноҳияи мазкур.
Корхона бо дастгирии Ҳукумати Ҷумҳурии Тоҷикистон ва маблағгузории Ҳукумати Ҷопон сохта шуда, дар он 12 нафар сокини маҳаллӣ соҳиби ҷойи кори доимӣ гардид.
Ҷамъияти дорои масъулияташ маҳдуди «Кўҳдомани Фархор» дорои 22 гектар заминҳои кишоварзӣ буда, дар 10 гектараш шолӣ парвариш карда мешавад. Баъд аз ҷамъоварии ҳосил, аз ҷумла шолӣ, гандум ва дигар намуди зироатҳо ҳамчун маҳсулоти худӣ дар ин корхона коркард карда мешавад.
Дар ифтитоҳи корхона намояндагони Агентиии Ҷопон оид ба ҳамкории байналмилалӣ дар Тоҷикистон ва Мақомоти иҷроияи ҳокимияти давлатии ноҳияи Фархор иштирок намуданд.
Аҳли деҳа аз ин иқдоми хайрхоҳона хушнуд гардида, миннатдории самимии хешро ба Ҳукумати Тоҷикистон расониданд.
АКС: Мақомоти иҷроияи ҳокимияти давлатии ноҳияи Фархор
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
Дар шаҳри Душанбе ҳавои камабри бебориш пешгӯӣ мешавад
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
