Дар Камбоҷа навъи нави биринҷи хушбӯй муаррифӣ карда шуд
ДУШАНБЕ, 06.04.2023 /АМИТ «Ховар»/. Вазорати кишоварзӣ, ҷангал ва моҳипарварии Камбоҷа рӯзи чоршанбе навъи нави биринҷи хушбӯйро бо Номи Champei Sar 70 (CPS 70) муаррифӣ кард, ки дар натиҷаи таҳқиқот ва таҳияи тақрибан даҳсола ба даст омадааст. Тавре АМИТ «Ховар» бо истинод ба «Синхуа» иттилоъ медиҳад, дар ин хусус дар варақаи матбуотии идора хабар дода шудааст.
Баровардани навъи биринҷи CPS 70 ба шарофати ҳамкории Институти тадқиқот ва рушди кишоварзии Камбоҷа ва Австралия пас аз 9 соли таҳқиқот ва 80 озмоиши саҳроӣ дар фаслҳои хушк ва тар имконпазир гардид.
Тавре ки дар варақаи матбуотӣ ишора шудааст, CPS 70 дар асоси навъи биринҷи Камбоҷа Пхка Румдуол аз CNi9024, ки дар замони худ ба ҷоизаҳои гуногун сазовор гардида буд, ба даст оварда шудааст. Гуфта мешавад, ки CPS 70- биринҷи хушбӯй буда, дар тӯли се моҳ пухта мерасад.
Ба биринҷи хушбӯй дар саросари ҷаҳон талабот зиёд аст: зиёда аз 60% аз ҳаҷми умумии биринҷи хушсифати содиротии Камбоҷа ба он рост меояд. То соли 2025 Камбоҷа ба нақша гирифтааст, ки 1 миллион тонна биринҷи суфта содирот кунад.
Мувофиқи варақаи матбуотӣ, кишоварзӣ яке аз бахшҳои асосии иқтисоди кишвар буда, тақрибан чоряки ММД-и Камбоҷаро дар соли 2021 ташкил медиҳад. Зиёда аз сеяки тамоми одамони бо кор таъминшавандаи мамлакат дар хоҷагии қишлоқ кор мекунанд, илова бар ин бештар аз нисфи коркунони кишоварзӣ занон мебошанд.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
