Дар Конибодом дар майдони зиёда аз 40 гектар коркарди кимиёвӣ бар зидди малах гузаронида шуд
ДУШАНБЕ, 06.04.2023. /АМИТ «Ховар»/. Дар шаҳри Конибодом то 4 апрел дар майдони зиёда аз 40 гектар коркарди кимиёвӣ бар зидди малах гузаронида шуд. Дар ин хусус зимни баргузории Ситоди вилоятӣ оид ба чорабиниҳои мубориза бар зидди малах ва ҳашароти зараррасони зироати кишоварзӣ ва боғу токзор иттилоъ дода шуд.
Тавре ба АМИТ «Ховар» дар Маркази матбуот ва иттилооти Вазорати кишоварзии Ҷумҳурии Тоҷикистон хабар доданд, ситоди вилоятӣ дар ноҳияи Бобоҷон Ғафуров баргузор гардид, ки дар кори он роҳбари Ситоди ҷумҳуриявӣ, Вазири кишоварзии Ҷумҳурии Тоҷикистон, сардорони муассисаҳои давлатии «Экспедитсияи мубориза бар зидди малах», «Муҳофизати растаниҳо ва химикунонии кишоварзӣ», муовинони раисони шаҳру ноҳияҳои вилоят, сардори сарраёсати кишоварзии вилоят ва дигар масъулин иштирок намуданд.
Ситод дар ду марҳила доир гардид, ки дар қисми амалӣ истифодаи дорупошаки муосир, усулҳои дурусти истифодаи либосҳои махсуси кормандони мавсимӣ, меъёрҳои истифодаи заҳрдоруҳо, гузаронидани мушоҳида ва коркарди мавзеъҳои паҳнгаштаи малах намоиш дода шуд.
Дар ҷараёни кори ҷаласа вобаста ба чораҳои мубориза бар зидди малах, касалӣ ва ҳашароти зараррасони зироати кишоварзӣ ва боғу токзор, кишти саривақтии зироат ва дигар масъалаҳои соҳаи агросаноатӣ сухан гуфта шуд.
Мувофиқи мушоҳидаи мутахассисон, дар шаҳру ноҳияҳои вилояти Суғд, ки дар онҳо малах паҳн гаштааст, нақшаи коркард 35 130 гектарро ташкил медиҳад. Хуруҷи малах дар ҳудуди заминҳои чарогоҳҳои шаҳри Конибодом ба қайд гирифта шудааст.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
