Дар маҳаллаи Боғи ноҳияи Мастчоҳ мактаби нав бунёд мешавад
ДУШАНБЕ, 09.04.2023 /АМИТ «Ховар»/. Ба пешвози ҷашни 35-солагии Истиқлоли давлатии Ҷумҳурии Тоҷикистон дар маҳаллаи Боғи Ҷамоати деҳоти Палдораки ноҳияи Мастчоҳ мактаби нави дуошёна бунёд мешавад, хабар медиҳад АМИТ «Ховар» бо истинод ба дафтари матбуоти Раиси ноҳияи Мастчоҳ.
Таҳкурсии бино ҳанӯз соли 2020 гузошта шудааст. Тибқи лоиҳа, мактаби нав аз 5 синфхона ва ду утоқи корӣ барои омӯзгорон иборат буда, барои зиёда аз 100 хонанда дар як баст пешбинӣ гардидааст.
Бинои мактаб бо дастгирии соҳибкорони маҳаллӣ ва Мақомоти иҷроияи ҳокимияти давлатии ноҳияи Мастчоҳ ба тариқи ҳашар сохта мешавад.
Роҳбарияти ноҳия аз ҷараёни корҳои омодагии сохтмони мактаб дидан карда, бо сокинони маҳалла ва соҳибкорон суҳбат намуданд.
Таъкид карда шуд, ки бинои мактаб бояд дар маҳлати муқарраршуда ва бо сифати баланд сохта, ба истифода дода шавад.
Боғ маҳаллаи навбунёд буда, дар он қариб 2 ҳазор аҳолӣ зиндагӣ мекунад.
АКС: дафтари матбуоти Раиси ноҳияи Мастчоҳ
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон бо сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
