Дар Минтақаи таълимӣ-таҷрибавии Донишгоҳи давлатии Хуҷанд ба номи академик Бобоҷон Ғафуров 5,5 гектар токзори нав бунёд гардид

Апрель 4, 2023 09:54

ДУШАНБЕ, 04.03.2023 /АМИТ «Ховар»/. Дар Минтақаи таълимӣ-  таҷрибавии Донишгоҳи давлатии Хуҷанд, воқеъ дар деҳоти ба номи Дадобой Холматови ноҳияи Бобоҷон Ғафуров 5,5 гектар токзори нав бунёд карда шуд. Дар ин хусус ба хабарнигори АМИТ «Ховар» дар раёсати Донишгоҳи давлатии Хуҷанд ба номи академик Бобоҷон Ғафуров хабар доданд.

Барои бунёди токзори нав аз хоҷагиҳои ангурпарварии шаҳри Турсунзода қариб 2 ҳазору 500 бех ниҳоли ангур, асосан навъҳои серҳосилу ба содирот нигаронидашуда, ба монанди “Президентӣ”, “Истиқлол”, “Ҳусайнии сиёҳу сафед”, “Ғалаба”, “Шоҳона”, “Пешпазак” ва “Кишмиши сиёҳу сафед” оварда шинонида шудааст.

Зимни ташкили токзори нав муовини Раиси вилояти Суғд Зариф Мирдадо ва ректори Донишгоҳи давлатии Хуҷанд, профессор Усмонзода Аюб Ислом таъкид доштанд, ки тадбири мазкур ҷиҳати татбиқи сиёсати созанда ва бунёдкоронаи Пешвои муаззами миллат муҳтарам Эмомалӣ Раҳмон  ба хотири афзун намудани ҳосили боғу токзор ва истифодаи таҷрибаҳо дар дигар минтақаҳои мамлакат амалӣ карда мешавад.

Масоҳати Минтақаи таълимӣ-таҷрибавии Донишгоҳи давлатии Хуҷанд 25,9 гектар буда, дар ин ҷо зиёда аз 10 ҳазор бех ниҳоли дарахтон парвариш карда мешаванд.


Тазаккур дода шуд, ки фаъолияти Минтақаи таълимӣ-таҷрибавӣ барои баланд бардоштани  савияи илмӣ-амалии донишҷўёни  ихтисосҳои география, экология, биология, дар давоми таҳсил гузаронидани таҷриабомўзии  саҳроӣ, истеҳсолӣ, иҷро намудани корҳои курсӣ, рисолаи хатм, инчунин анҷоми тадқиқоти илмӣ ба докторантон, омўзгорон ва мутахассисони Дониишгоҳ муосидат мекунад. Илова бар ин,  масъулони минтақа дар соҳаҳои гуногуни илм, барои ба иқлим мутобиқ намудани растаниҳои гуногун, зиёд кардани навъҳои  беҳтарини ангур, дарахтони мевадиҳанда ва ороишию ҳамешсабз бо мутахассисони Маркази илмии хуҷандии Академияи миллии илмҳои Тоҷикистон, олимони факултетҳои биология ва химия, геоэкология ва туризм дар ҳамкорӣ тадқиқот бурда, усулҳои нави технологияи парвариши растаниҳоро дар минтақа ҷорӣ карда, бо онҳо донишҷўёнро шинос менамоянд.

Иттилоъ дода шуд, ки ҳар сол аз боғҳои мавҷудаи Минтақаи таълимӣ-таҷрибавии Донишгоҳи давлатии Хуҷанд то 20 тонна мева ҷамъоварӣ карда мешавад.

АКС: Донишгоҳи давлатии Хуҷанд ба номи академик Бобоҷон Ғафуров

Апрель 4, 2023 09:54

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд