Дар Муассисаи таҳсилоти иловагии минтақаи Кӯлоб синфхонаи инноватсионӣ омода карда мешавад
КӮЛОБ, 22.04.2023. /АМИТ «Ховар»/. Дар Муассисаи таҳсилоти иловагии минтақаи Кӯлоб бо мақсади фароҳам овардани шароит барои хонандагони муассисаҳои таълимӣ синфхонаи инноватсионии муҷаҳҳаз бо таҷҳизоти муосир, аз қабили тахтаи электронӣ, компютер, проектор, хати интернет ва толори машварату ҷаласаҳо таъсис дода мешавад, хабар медиҳад мухбири минтақавии АМИТ «Ховар» Сулаймон Холов.
Тибқи иттилои директори Муассисаи таҳсилоти иловагии минтақаи Кӯлоб Ҳайдар Ҳайдарзода, дар доираи ҳамкорӣ бо шарикони рушд дар муассисаи мазкур ва муассисаҳои таҳсилоти иловагии ноҳияҳои Шамсиддини Шоҳин, Данғара ва Муъминобод синфхонаҳои инноватсионӣ мавриди истифода қарор дода мешаванд. Дар синфхонаҳои мазкур беҳтарин шароит муҳайё мегардад, ки ин ба таълиму тарбияи насли наврас таъсири мусбат мерасонад.
Ҳайдар Ҳайдарзода афзуд, ки дар марҳилаи дуюми лоиҳаи ҳамкорӣ бо шарикони рушд сохтмони синфхонаҳои инноватсионӣ дар муассисаҳои таҳсилоти иловагии ноҳияҳои Мир Саид Алии Ҳамадонӣ, Восеъ ва Темурмалик ба нақша гирифта шудааст.
Бо муҳайё шудани синфхонаҳои инноватсионии муҷаҳҳаз бо лавозимоти замонавии таълимӣ аъзои маҳфилҳо дар шароити мусоид таълиму тарбия дода мешаванд. Муассисаи таҳсилоти иловагии минтақаи Кӯлоб бо шарикони рушд, ки дар Ҷумҳурии Тоҷикистон фаъолияти мувофиқ доранд, ҳамкориро беҳтар хоҳад кард.
Ҳадафи асосӣ- муҳайё гардонидани шароити муосири таълимӣ барои хонандагон мебошад.
АКС: Хадамоти раёсати вилояти Хатлон
«МИРЗО ТУРСУНЗОДА-ЧЕҲРАИ МОНДАГОРИ АДАБУ ФАРҲАНГИ ТОҶИК». Дар Донишгоҳи миллии Тоҷикистон ҳамоиши байналмилалӣ доир шуд
«ВАСФИ ҶАВОНӢ». Дар доираи баргузории моҳвораи ҷавонон озмун эълон гардид
Ба Донишкадаи давлатии муносибатҳои байналмилалии Москва дохил шудан мехоҳед? Ба Маркази барномаҳои байналмилалӣ муроҷиат намоед
БИСТСОЛАИ ОМӮЗИШ ВА РУШДИ ИЛМҲОИ ТАБИАТШИНОСӢ, ДАҚИҚ ВА РИЁЗӢ. Дар Душанбе маротибаи аввал озмуни «Ахтаракони ҳисобдон» баргузор гардид
Намояндагони Институти Гёте бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуданд
БАЛАНД БАРДОШТАНИ ҲИССИ ВАТАНДӮСТИИ НАВРАСОН. Хонандагони шаҳри Душанбе бо шароити хизмати ҳарбии сарбозон шинос шуданд
СОЛИ МАЪРИФАТИ ҲУҚУҚӢ. Дар Донишгоҳи давлатии Хоруғ конференсияи илмӣ баргузор шуд
Дар Донишгоҳи техникии Тоҷикистон масъалаи такмили конструксияҳои мошинҳои сохтмону роҳсозӣ баррасӣ гардид
«ШОҲНОМА»-И ФИРДАВСӢ ВА ТАШАККУЛИ ХУДШИНОСИИ МИЛЛӢ». Дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Дар Донишгоҳи давлатии омӯзгории Тоҷикистон Анҷумани байналмилалии омӯзгорони забони олмонӣ баргузор мегардад
ТАРБИЯИ ФАРЗАНД-МАСЪУЛИЯТИ ПАДАРУ МОДАР. Дар Донишгоҳи технологии Тоҷикистон дар ин мавзуъ вохӯрӣ доир шуд
Вобаста ба масъалаҳои мубрами филологияи Шарқ ва робитаҳои адабӣ конференсияи байналмилалӣ баргузор шуд
