Дар Тоҷикистон ба муддати 3 моҳ моҳигирӣ манъ карда шуд
ДУШАНБЕ, 18.04.2023 /АМИТ «Ховар»/. Дар иртибот ба давраи тухмгузории моҳиҳо қариб 3 моҳ дар дарёву кӯлҳои Тоҷикистон ҳама гуна сайди моҳӣ манъ аст. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Мамнуъият аз 1 апрел оғоз гардида, то 15 июн идома меёбад.
«Дар ин давра дар саросари ҷумҳурӣ амалиёти фаврӣ ва корҳои фаҳмондадиҳӣ байни аҳолӣ мунтазам гузаронида мешавад, зеро сайди моҳӣ дар ин давра метавонад ба нигоҳдорӣ ва такрористеҳсоли моҳӣ дар Тоҷикистон таъсири манфӣ расонад. Барои риоя накардани талаботи Қонуни Ҷумҳурии Тоҷикистон «Дар бораи ҳифзи муҳити зист» ва қоидаҳои моҳидорӣ ҷавобгарии маъмурӣ пешбинӣ шудааст», — иттилоъ доданд дар Кумитаи ҳифзи муҳити зисти ҷумҳурӣ.
Тибқи Кодекси ҳуқуқвайронкунии маъмурӣ, қонуншиканон- шахсони ҳуқуқӣ аз се то панҷ, шахсони мансабдор аз даҳ то понздаҳ ва шахсони ҳуқуқӣ аз сад то дусад нишондиҳанда барои ҳисобҳо ҷарима карда мешаванд.
Бо мақсади иҷрои фармоиши сардори Сарраёсати ҳифзи муҳити зист дар вилояти Суғд оид ба ҳифзи захираҳои моҳӣ, дар давраи тухмгузории соли 2023 аз тарафи кормандони бахши ҳифзи муҳити зист дар шаҳри Истаравшан амалиёти фаврӣ гузаронида шуд. Ба роҳбарони бозорҳо барои дар давраи тухмгузорӣ ба хариду фурӯш роҳ надодан амрнома дода шуд. Инчунни дар байни фурӯшандаҳои нуқтаҳои моҳифурӯшӣ корҳои фаҳмондадиҳӣ гузаронида, лавҳаҳои иттилоотӣ насб гардид.
Давоми 15 рӯзи аввали давраи манъи сайди моҳӣ дар ҷумҳурӣ санадҳои азназаргузаронӣ, 5 амрнома ва 1 протокол оид ба хариду фурӯши моҳӣ тартиб дода шуд.
АКС: Кумитаи ҳифзи муҳити зисти нази Ҳукумати Ҷумҳурии Тоҷикистон
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
