Дар Тоҷикистон Конфронси 5-уми тағйирёбии иқлим дар Осиёи Марказӣ (CACCC-2023) доир мегардад
ДУШАНБЕ, 24.04.2023 /АМИТ «Ховар»/. Нимаи дуюми моҳи май Тоҷикистон мизбони Конфронси 5-уми тағйирёбии иқлим дар Осиёи Марказӣ (CACCC-2023) мегардад. Дар ин бора АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Соли равон мавзуи конфронс тағйирёбии иқлим ва рушд аст. Дар чаҳорчӯби CACCC-2023 масъалаҳои мубрами давлатҳои Осиёи Марказӣ дар заминаи тағйирёбии иқлим, коҳиш ва мутобиқсозии он дар соҳаҳои об, энергетика, ғизо ва муҳити зист баррасӣ карда мешавад. Конфронси 5-уми Осиёи Марказӣ оид ба тағйирёбии иқлим (CACCC-2023) аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон ва маркази Минтақавии экологии Осиёи Марказӣ (РЭССА) ташкил карда мешавад.
Тоҷикистон дар ташаббусҳои ҷаҳонӣ, аз қабили Даҳсолаи байналмилалии амал «Об барои ҳаёт» (2005-2015) ва «Об барои рушди устувор» (2018-2028), дар Симпозиуми сатҳи баланд оид ба SDG 6 ва Ҳадафҳои он: ноил шудан ба дастрасии ҳамагон ба об ва санитария пешсафӣ нишон дод.
Бояд тазаккур дод, ки дар маросими ифтитоҳи Конфронси СММ оид ба шарҳи ҳамаҷонибаи миёнамуҳлати ҳадафҳои Даҳсолаи байналмилалии амал «Об барои рушди устувор, солҳои 2018-2028» Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таъкид иброз доштанд, ки «захираҳои об имрӯз зери таъсири чолишҳо ва таҳдидҳои гуногун қарор доранд, ки ба тамоми соҳаҳои ҳаёти мардум, бахусус амнияти озуқаворӣ, истеҳсоли энергияи сабз ва устувории табиат таъсир мерасонанд. Дар ин силсила тағйирёбии иқлим ҳамчун омили таъсиргузор ба захираҳои оби ошомиданӣ низ дар маркази таваҷҷуҳи мо қарор дорад. Тайи панҷ даҳсолаи охир таъминоти об ба ҳар сари аҳолӣ дар ҷаҳон тақрибан дувуним баробар ва дар баъзе минтақаҳои ҷаҳон, аз ҷумла дар Осиёи Марказӣ беш аз чаҳор маротиба кам шудааст».
Баргузории чорабиниҳои муштараки минтақавӣ, аз қабили CACCC аҳамияти муҳим дошта, дар густариши муколама оид ба таҳияи роҳҳои ҳалли муштараки мушкилоти марбут ба тағйирёбии иқлим саҳми назаррас мегузорад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Сафири Тоҷикистон дар Австрия дар Симпозиуми байналмилалии об иштирок намуд
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
