Дар Токио тобистони имсол шиддатёбии таъминот бо неруи барқро интизор мебошанд
ДУШАНБЕ, 04.04.2023 /АМИТ «Ховар»/. Тибқи пешгӯиҳои ҳукумати Ҷопон, эҳтимол аст, ки ташаннуҷ дар таъмини неруи барқ дар Токио тобистони имсол дубора пайдо шавад. Дар ин хусус АМИТ «Ховар» бо истинод ба ТАСС хабар додааст.
Тахмин меравад, ки иқтидори захиравӣ дар моҳи август то 3,9% афзоиш ёфта, моҳи январи соли 2024 дар шабакаи барқи Токио ва инчунин дар минтақаҳои шимолии Ҷопон, аз ҷумла Ҳоккайдо ба 4,6% расад.
Бо нигаронӣ аз норасоии неруи барқ ҳукумати Ҷопон моҳи июли соли гузашта аз сокинон ва коргарони муассисаҳо хоҳиш намуд, ки неруи барқро сарфа кунанд.
Бино ба иттилои ВАО-и маҳаллӣ, барои таъмини устувори неруи барқ сарвазири Ҷопон Фумио Кисида ба ҳукуматаш дастур додааст, ки талошҳоро барои дубора ба кор андохтани реакторҳои ядроӣ, ки ба меъёрҳои шадиди бехатарии баъд аз садамаи неругоҳи ядроии «Фукусима-1» дар соли 2011 баамаломада мувофиқат мекунанд, суръат бахшад.
Азиза ИКРОМ,
АМИТ «Ховар»
АКС аз манбаъҳои боз
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
