ДУШАНБЕ — НИГИНИ ТОҶИКИСТОН. Дар пойтахт муассисаҳои таълимии ба талаботи байналмилалӣ ҷавобгў сохта мешавад
ДУШАНБЕ, 15.04.2023. /АМИТ «Ховар»/. Ҳамарўза қомат афрохтани биноҳои маъмурию истиқоматӣ, маҷмааву қасрҳои муосир, иншооти варзишӣ, таъмиру мумфаршгардонии роҳҳо, бунёди корхонаҳои пешқадами саноатӣ ва муассисаҳои илмӣ, таълимию тандурустӣ аз азму талош ва ниятҳои созандаи роҳбарияти шаҳри Душанбе, алалхусус Раиси шаҳри Душанбе муҳтарам Рустами Эмомалӣ дарак медиҳад. Воқеан, суръати баланди корҳои сохтмонӣ ҳар як бинандаро ба ваҷд меорад. Нафаре, ки барои муддате аз Душанбе берун рафта бошад, баъди бозгашт онро намешиносад. Чунин иброз дошт сардори Сарраёсати маорифи шаҳри Душанбе Баҳром Исмоилзода дар Рӯзи пойтахти Ҷумҳурии Тоҷикистон зимни суҳбат бо мухбири АМИТ «Ховар».
Мавсуф дар идомаи суҳбат таъкид намуд, ки чанд соли охир дар пойтахт иншооти ба стандартҳои байналмилалӣ ҷавобгў бунёд мешаванд, ки баҳри рушди соҳаи маориф ва ҳифзи иҷтимоии сокинон нигаронида шудаанд. Бояд гуфт, ки дар доираи нақшаи чорабиниҳо оид ба ҷашни 35-солагии Истиқлоли давлатии Ҷумҳурии Тоҷикистон дар пойтахти мамлакат –шаҳри Душанбе дар соли 2022 корҳои ободониву бунёдкорӣ бомаром идома ёфта, 708 иқдоми созандагӣ, аз ҷумла бунёди 14 муассисаи таҳсилоти умумӣ ва томактабӣ, 8 муассисаи тандурустӣ, 74 корхонаю коргоҳи саноатӣ, 16,3 километр роҳ, 11 бинои маъмурӣ, 23 иншооти баландошёна бо 28 маркази хизматрасонӣ, 8 иншооти варзиш, рангубори 146 бино ва як қатор корҳои дигар бо таъсиси беш аз 2 ҳазор ҷойи нави корӣ амалӣ карда шуданд.
Қобили тазаккур аст, ки то соли 2026 дар шаҳри Душанбе 100 корхонаи нави саноатӣ бунёд карда мешавад. Сохтмони ин корхонаҳо дар асоси Нақшаи чорабиниҳои «Солҳои рушди саноат барои солҳои 2022-2026», ки бо қарори Раиси шаҳри Душанбе Рустами Эмомалӣ ба тасвиб расидааст ва дар доираи татбиқи ҳадафи чоруми миллӣ-саноатикунонии босуръати мамлакат анҷом дода мешавад.
Хотирнишон бояд кард, ки тибқи дастуру супоришҳо аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон соли 2023 дар шаҳри Душанбе марҳила ба марҳила 4 корхонаи истеҳсолу коркард ва то маҳсулоти ниҳоӣ расонидани металлҳои қиматбаҳо сохта ба истифода дода мешавад.
Бовар дорем, ки пойтахти тоҷикони дунё -шаҳри Душанбе, ки онро нигини Тоҷикистон меноманд, бо чунин суръати рушд дар чанд соли минбаъда ба яке аз шаҳрҳои муосири ҷаҳон табдил меёбад.
Зарангези ЛАТИФ,
АМИТ «Ховар»
АКС: АМИТ «Ховар»
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
