Гузаргоҳи гумрукии «Фотеҳобод/Ойбек» навсозӣ карда мешавад
ДУШАНБЕ, 03.04.2023 /АМИТ «Ховар»/. Масъалаҳои марбут ба навсозӣ ва таҷҳизонидани гузаргоҳҳои гумрукӣ, аз ҷумла гузаргоҳи «Фотеҳобод/Ойбек» дар мулоқоти муовини якуми сардори Хадамоти гумруки назди Ҳукумати Ҷумҳурии Тоҷикистон Азим Турсунзода бо муовини якуми Раиси Кумитаи давлатии гумруки Ҷумҳурии Узбекистон Илҳом Мухторов дар гузаргоҳи гумрукии «Фотеҳобод/Ойбек» баррасӣ гардид.
Ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд, ки зимни мулоқот ҳамзамон татбиқи барномаи мусоидати техникии рушди долони иқтисодии «Шимкент – Тошканд – Хуҷанд» ва барномаи Ҳамкории иқтисодии минтақавии Осиёи Марказӣ (ҲИМОМ) муҳокима гардид.
Мусоҳибон доир ба интиқоли мол байни Тоҷикистон ва Узбекистон, ки солҳои охир мунтазам афзоиш меёбад, ибрози назар намуданд. Инчунин оид ба масоили марбут ба инфрасохтори наздисарҳадӣ, ки имкони танзими миқдори зиёди мусофирон ва нақлиётро надошта, ба навсозӣ ниёз дорад, мубодилаи афкор намуданд.
Гурӯҳи кории Хадамоти гумруки назди Ҳукумати Ҷумҳурии Тоҷикистон инчунин аз вазъи гузаргоҳҳои сарҳадии «Сардоб»/ «Зафар» ва «Зафаробод»/«Хавастобод» дидан намуд.
АКС: Хадамоти гумруки назди Ҳукумати Ҷумҳурии Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
