Хоҷагиҳои деҳқонии ноҳияи Шуғнон соҳиби ду техникаи кишоварзӣ гардид
ХОРУҒ, 23.04.2023 /АМИТ «Ховар»/. Кишоварзони ноҳияи Шуғнон дар арафаи маъракаи киштукори баҳорӣ соҳиби боз ду трактори тамғаи «Белорус» гардиданд, хабар медиҳад мухбири минтақавии АМИТ «Ховар» Файз Мирасан.
Як сол пеш бо супориши Ҳукумати Ҷумҳурии Тоҷикистон ба хоҷагиҳои деҳқонии шаҳру ноҳияҳои вилоят 6 техникаи кишоварзӣ тақдим шуда буд.
Муовини сардори Раёсати кишоварзии Вилояти Мухтори Кӯҳистони Бадахшон Раҷабек Раҷабеков гуфт, ки «Корхонаи воҳиди давлатии «Тоҷикагролизинг» бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон баҳри таъмин намудани амнияти озуқавории мамлакат, таъсису мукаммал намудани марказҳои хизматрасонии техникӣ, дастрас кардани техника ва таҷҳизоти кишоварзӣ, гузаронидани амалиёти лизингӣ ва хизматрасонии техникӣ ба хоҷагиҳои деҳқонӣ-фермерӣ чанд соли охир корҳои назаррасро ба сомон расонид. Дар ҳамаи ноҳияҳои вилоят марказҳои фурӯши техника низ таъсис дода шуд. Дар ин марказҳо тракторҳои гуногунтамға, испор, решаканак, култиватор, гандумкӯбак, чапар ва дигар намуди техникаи соҳаи кишоварзӣ ба тариқи лизинг ба фурӯш бароварда мешавад».
Муовини сардори Раёсати кишоварзии вилоят изҳор дошт, ки трактори тамғаи «Белорус» ба шароити кӯҳистон тобовар аст, аммо самаранок истифода бурдан ва дар ҳолати хуби техникӣ нигоҳ доштани он ба худи ронандагон вобаста мебошад.
Ҳоло теъдоди трактори шудгоркунанда дар ноҳияҳои вилоят ба 44 адад расидааст.
АКС: АМИТ «Ховар»
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
