ИҚДОМИ ХАЙРХОҲОНА. Соҳибкор Маҳмудҷон Муродов ба кормандони касбу кори гуногун дар шаҳри Душанбе кумаки моддӣ расонид
ДУШАНБЕ, 03.04.2023 /АМИТ «Ховар»/. Дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар пайравӣ ба ташаббусу иқдомҳои инсондӯстонаву хайрхоҳонаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ соҳибкор, роҳбари Ҷамъияти дорои масъулияти маҳдуди «Сарманзил», аъзои Ҳизби Халқии Демократии Тоҷикистон ва вакили Маҷлиси вакилони халқи шаҳри Душанбе Маҳмудҷон Муродов ба беш аз 950 корманди касбу кори гуногун, оилаҳои сарҳадбонон ва бошандагони хонаи пиронсолон ва маъюбони шаҳри Душанбе кумаки моддӣ расонида, барои 350 нафар дастархони идона орост. Дар ин хусус ба АМИТ «Ховар» дар ҶДММ «Сарманзил» иттилоъ доданд.
Кумак аз маводи мавриди ниёзи аввал, аз қабили орд, равған, шакар, биринҷ ва макарон иборат буд.
Аз ҷумла дар доираи ин иқдом 200 корманди Раёсати хадамоти давлатии оташнишонии шаҳри Душанбе аз кумаки мазкур бархӯрдор гардиданд.
Чунин кумак ба 70 корманди Кумитаи ҳолатҳои фавқулода ва мудофиаи гражданӣ дар шаҳри Душанбе низ расонида шуд.
Аз ҷониби вакили Маҷлиси вакилони халқи шаҳри Душанбе ҳамчунин ба 85 оилаи сарҳадбонони Қӯшунҳои сарҳадии КДАМ ҶТ кумаки моддӣ тақдим гардид.
Инчунин ба 66 корманди муассисаи таҳсилоти миёнаи умумии №39-и шаҳри Душанбе кумаки моддӣ расонида шуд.
Ҳамзамон дар Муассисаи давлатии «Маркази миллии тавонбахшии кӯдакони маъюби «Чорбоғ» дар ноҳияи Варзоб» барои 250 нафар дастархон ороста шуда, ба 300 корманди ин муассиса кумак тақдим гардид. Инчунин ба 1 зан-корманди ин муассиса, ки маъюбу бесарпаноҳ мебошад ва давоми 17 сол дар ин ҷо фаъолият дорад, аз ҷониби соҳибкор хонаи истиқоматӣ дода мешавад.
Дар Хонаи пиронсолон ва маъюбони шаҳри Душанбе соҳибкор 100 бошандаи ин муассисаро сари дастархони идона ҷамъ оварда, ба 100 корманди он кумаки моддӣ расонид. Илова бар ин, ба Хонаи пиронсолон ва маъюбон 6 телевизор, 20 дарзмол, 10 миз барои дарзмолкунӣ ва 10 соати деворӣ туҳфа карда шуд.
Ҳамчунин ба 136 корманди Беморхонаи клиники ёрии таъҷилии тиббӣ барои хизматҳои шабонарӯзӣ ва расонидани ёрии аввалияи тиббӣ кумак тақдим гардид.
АКС: АМИТ «Ховар»
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
