ҲИФЗИ ПИРЯХҲО — КАФОЛАТИ ФАРОВОНИИ ОБИ ТОЗА. Таҳти ин унвон дар Донишгоҳи давлатии Хоруғ конференсия доир шуд
ДУШАНБЕ, 13.04.2023 /АМИТ «Ховар»/. 12 апрел дар Донишгоҳи давлатии Хоруғ ба номи Моёншо Назаршоев бахшида ба эълони Соли байналмиллалии ҳифзи пиряхҳо ва Рӯзи ҷаҳонии пиряхҳо таҳти унвони «Ҳифзи пиряхҳо-кафолати фаровонии оби тоза» конференсия баргузор гардид. Дар ин хусус АМИТ «Ховар» бо истинод ба Донишгоҳи мазкур хабар медиҳад.
Дар конференсия иброз гардид, ки 22-24 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорки Иёлоти Муттаҳидаи Амрико дар Конфронси Созмони Милали Муттаҳид оид ба Шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор», солҳои 2018-2028 иштирок ва суханронӣ намуданд. Тазаккур дода шуд, ки конфронси оби СММ-2023-ро Ҷумҳурии Тоҷикистон ва Подшоҳии Нидерланд раисӣ намуданд.
Ҳамзамон дар доираи ин конфронс якчанд чорабиниҳои канорӣ баргузор карда шуд, ки дар он Пешвои миллат муҳтарам Эмомалӣ Раҳмон суханронӣ намуданд.
Донишгоҳи давлатии Хоруғ вобаста ба тарғиби ташаббусҳои ҷаҳонии Ҳукумати Ҷумҳурии Тоҷикистон оид ба масоили об силсилачорабиниҳо ба роҳ мондааст, ки конференсияи имрӯза яке аз он аст.
Дар идомаи кори конференсия оид ба мавзуъҳои «Ташаббусҳои ҷаҳонии Пешвои миллат муҳтарам Эмомалӣ Раҳмон ва моҳияти Конфронси оби СММ-2023», «Олудашавии об ва норасоии оби нӯшокӣ», «Пиряхҳои Тоҷикистон: сарчашмаи оби Осиёи Марказӣ ва ҳифзи онҳо» аз ҷониби иштирокдорон маърузаҳои илмӣ пешниҳод гардид.
Дар фарҷоми конференсия байни иштирокчиён оид ба мавзуъҳои баррасигардида музокираи илмӣ доир шуд. Аз ҷумла, устодони донишгоҳ муваззаф шуданд, ки ташаббусҳои ҷаҳонии Тоҷикистонро боз ҳам васеътару дақиқтар мавриди омӯзиш ва пажӯҳиш қарор диҳанд.
Гуфта шуд, ки минбаъд дар Донишгоҳи давлатии Хоруғ дар доираи соли 2025 ҳамчун Соли байналмилалии ҳифзи пиряхҳо таҳқиқоти доманадор ба роҳ монда, баргузории барномаҳои гуногуни илмӣ, тарбиявӣ, тарғиботӣ ва фаҳмондадиҳӣ байни донишҷӯёну қишрҳои ҷомеа пурзӯр карда шавад.
АКС: Донишгоҳи давлатии Хоруғ
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
