Ихтироъкорони тоҷик дар Намоишгоҳи байналмилалии ихтироот дар Москва сазовори медалҳои нуқра шуданд
ДУШАНБЕ, 22.04.2023. /АМИТ «Ховар»/. Ихтироъкорони тоҷик дар Намоишгоҳи 26-уми байналмилалии ихтироот ва технологияҳои инноватсионии Москва «Архимед» соҳиби ҷойи ифтихорӣ шуданд. Дар ин хусус ба АМИТ «Ховар» дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон хабар доданд.
Иштироккунандагони намоишгоҳ намояндагони 221 ташкилот аз 27 давлат ва 35 минтақаи Федератсияи Русия буданд, ки ба намояндагони васеи илмӣ-техникӣ қариб 600 лоиҳа ва ихтирооти навоваронаро намоиш доданд. Аз ин теъдод 198 адади он аз тарафи муаллифон ва соҳибони патенти хориҷӣ пешниҳод гардид.
Аз ҷониби Комиссияи тахассусии коршиносон ва ҳакамони байналмилалӣ озмунҳо ҷамъбаст гардида, иштирокчиён бо медалҳои тилло, нуқраю биринҷии намоишгоҳ ва туҳфаҳои махсус мукофотонида шуданд.
Бо қарори ҳакамони байналмилалӣ ихтироъкорон аз Ҷумҳурии Тоҷикистон Зумрат Ғайбуллоева барои ихтирои «Тарзи ҳосилкунии моддаҳои барқароркунанда ҳангоми коркарди ангишт» ва Мадина Кариева барои ихтирои «Сохтор барои муолиҷаи баромадагии модарзодии рон» бо медалҳои нуқра мукофотонида шуданд.
АКС: Муассисаи давлатии «Маркази миллии патенту иттилоот»
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
Дар Донишгоҳи давлатии Бохтар доир ба масъалаҳои таълими забонҳои русӣ ва англисӣ конференсия баргузор гардид
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Дар мавзуи «Рушди илми тоҷик дар шароити муосир: инноватсия ва рақамикунонӣ» конференсияи илмӣ доир шуд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
