«КАЙҲОНИ ГУНОГУНПАҲЛУ». Хонандагони Хуҷанд дар Озмуни 5-уми байналмилалии эҷодии кӯдакону наврасон соҳиби медали тилло шуданд
ДУШАНБЕ, 27.04.2023. /АМИТ «Ховар»/. Хонандагони болаёқати шаҳри Хуҷанд Алишерхон ва Аҳмадҷон Баҳромзодаҳо дар Озмуни 5-уми байналмиллалии эҷодии кӯдакону наврасон, ки 20 апрел таҳти унвони «Кайҳони гуногунпаҳлу» баргузор гардид, соҳиби ҷойи аввал ва медали тиллои ин озмуни байналмилалӣ гардиданд. Дар ин хусус ба АМИТ «Ховар» котиби матбуоти Раиси шаҳри Хуҷанд Маъмури Юсуфзод хабар дод.
Озмуни байналмилалӣ бо иштироки беш аз 200 кӯдаку навраси боистеъдоди аз 5 то 17-сола доир шуда, дар он кӯдакони 15 давлат: Фаластин, Урдун, Лубнон, Италия, Олмон, Литва, Латвия, Беларус, Муғулистон, Тоҷикистон, Қазоқистон, Тунис, Миср, Осетияи Ҷанубӣ, Федератсияи Русия ва Ирландия иштирок намуданд.
Тоҷикистон имсол нахустин маротиба дар озмуни мазкур иштирок намуд ва бо корбарии МДТ «Планетарийи ба номи Абӯмаҳмуди Хуҷандӣ» беш аз 10 расми тасвиркардаи кӯдакону наврасони тоҷик ба Кумитаи тадорукоти озмун пешниҳод карда шуд. Ҳамзамон то ҷамъбасти озмун аз ҷониби ҳайати Кумитаи тадорукоти озмуни байналмилалӣ 30 расми беҳтарин интихоб ва дар саҳифаи расмии озмун ҷой карда шуд.
Озмуни мазкур аз ҷониби Созмони ҷавонони Русияву Ирландия «Шемрок» тайи панҷ сол аст, ки бахшида ба Рӯзи кайҳоннавардон баргузор карда мешавад. Мақсади озмуни байналмилалӣ- шинос намудани кӯдакону наврасон бо коинот, таҳқиқи фазои кайҳонӣ, аҳамияти тадқиқоти кайҳонӣ барои ҳаёти одамони рӯи Замин ва омӯзиши системаи Офтоб ва сайёраҳои он мебошад.
Ғолибони озмун бо Диплом, медал ва туҳфаҳои хотиравӣ қадршиносӣ карда шуда, ғолибони ҷойҳои аввал, дуюм ва сеюм бо ҷоизаи пулӣ сарфароз гардонида мешаванд.
Созмони ҷавонони Русияву Ирландия «Шемрок» 30 марти соли 2014 таъсис ёфта, ҳадафаш муттаҳид кардани кӯдакону ҷавонони тамоми олам, рушди неруи фарҳангиву эҷодӣ ва тадқиқотии онҳо мебошад. Ҳамасола аз ҷониби ин созмони бонуфузи кӯдакона озмунҳои байналмилалӣ, симпозиумҳо ва форумҳои кӯдакону ҷавонон баргузор карда мешавад.
АКС: Хадамоти матбуоти Раиси шаҳри Хуҷанд
Дар Донишгоҳи техникии Тоҷикистон масъалаи такмили конструксияҳои мошинҳои сохтмону роҳсозӣ баррасӣ гардид
«ШОҲНОМА»-И ФИРДАВСӢ ВА ТАШАККУЛИ ХУДШИНОСИИ МИЛЛӢ». Дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Дар Донишгоҳи давлатии омӯзгории Тоҷикистон Анҷумани байналмилалии омӯзгорони забони олмонӣ баргузор мегардад
ТАРБИЯИ ФАРЗАНД-МАСЪУЛИЯТИ ПАДАРУ МОДАР. Дар Донишгоҳи технологии Тоҷикистон дар ин мавзуъ вохӯрӣ доир шуд
Вобаста ба масъалаҳои мубрами филологияи Шарқ ва робитаҳои адабӣ конференсияи байналмилалӣ баргузор шуд
МАОРИФ-СОҲАИ АФЗАЛИЯТНОК. Дар ноҳияи Ванҷ ин соҳа мавриди таҳлилу баррасӣ қарор гирифт
Донишгоҳи байналмилалии сайёҳӣ ва соҳибкории Тоҷикистон бо Донишгоҳи илм ва технологияи Шэнсии Чин ҳамкориро тақвият мебахшад
Дар шаҳри Ҳисор ҳамоиши гирандагони Стипендияи Президенти Тоҷикистон баргузор гардид
Дар Донишгоҳи славянии Русия ва Тоҷикистон бахшида ба Соли маърифати ҳуқуқӣ конференсия баргузор гардид
Донишгоҳи давлатии омӯзгории Тоҷикистон бо Донишкадаи омӯзгории Узбекистон ва Финландия ҳамкориро густариш медиҳад
Дар шаҳри Норак раванди иҷрои Барномаи ғизои мактабӣ дар вилояти Хатлон баррасӣ шуд
Дар Донишгоҳи техникии Тоҷикистон бо намояндагони донишгоҳҳои Русия омоданамоии мутахассисони соҳа баррасӣ шуд
